ଜୁନାଗଡ,୬ା୫(ଡି.ଏନ୍.ଏ)-କରିବା ରକ୍ତ ଦାନ, ବଞ୍ଚାଇବା ଜୀବନ ଏହି ଉଦ୍ଦେଶ୍ୟ ନେଇ ମଙ୍ଗଳବାର ବିଜେଡି ପକ୍ଷରୁ ଭବାନୀପାଟଣା ରକ୍ତ ଭଣ୍ଡାରଠାରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ସ୍ବେଚ୍ଛାକୃତ ଭାବେ ୪୦ ଜଣ ରକ୍ତଦାନ କରିଥିଲେ। ବିଜେଡି ନେତ୍ରୀ ଇଂ. ବୈଶାଖୀ ନନ୍ଦଙ୍କ ନେତୃତ୍ୱରେ ଅନୁଷ୍ଠିତ ଏହି ଶିବିରରେ ଅବସରପ୍ରାପ୍ତ ସୈନିକ ତଥା କଳାହାଣ୍ଡି ମିଲଟାରୀ ଏକାଡେମୀର ପ୍ରତିଷ୍ଠାତା ଶ୍ୟାମସୁନ୍ଦର ପଣ୍ଡା, ପୂର୍ବତନ ପୌରାଧ୍ୟକ୍ଷ ଆଦିତ୍ୟ ପ୍ରସାଦ ନନ୍ଦ, ଛାତ୍ର ନେତା ଅବିନାଶ ଠାକୁର, ରବି ପଟ୍ଟନାୟକ, ମଣ୍ଟୁ ନାଏକ, ଆଶୁ ପୁରୋହିତ, ମିତୁ ପାତ୍ର ପ୍ରମୁଖ ଉପସ୍ଥିତ ଥିଲେ।
