ଭୁବନେଶ୍ୱର,୨୬।୨(ବ୍ୟୁରୋ): ୨୦୨୦-୨୧ ଆର୍ଥିକ ବର୍ଷ ପାଇଁ ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ଦ୍ୱାରା ଆଗତ କରାଯାଇଥିବା ବଜେଟ ଉପରେ ମଙ୍ଗଳବାର ଆଲୋଚନା ହୋଇଛି। ସୋମବାର ବିରୋଧୀ ଦଳଗୁଡ଼ିକର ହଟ୍ଟଗୋଳ ଯୋଗୁ ଆଲୋଚନା ସମ୍ଭବ ହୋଇପାରି ନ ଥିଲା। ମଙ୍ଗଳବାର ଆଲୋଚନା ଅସମାପ୍ତ ରହିଛି, ବୁଧବାର ପୁନର୍ବାର ଏହା ଜାରି ରହିବ ବୋଲି ଜଣାପଡ଼ିଛି।
ଦ୍ୱିତୀୟାର୍ଦ୍ଧରେ ବିରୋଧୀ ଦଳ ଉପନେତା ବିଷ୍ଣୁ ସେଠୀ ବଜେଟ ଆଲୋଚନା ଆରମ୍ଭ କରିଥିଲେ। ବିଷ୍ଣୁ କହିଥିଲେ ଯେ, ଗ୍ରାମୀଣ ଅର୍ଥନୀତିକୁ ବଜେଟରେ ଗୁରୁତ୍ୱ ଦିଆଯାଇନାହିଁ। ଏବେ ବି ମାଛ ପାଇଁ ଆନ୍ଧ୍ର, ଆଳୁ ପାଇଁ ପଶ୍ଚିମବଙ୍ଗ ଉପରେ ନିର୍ଭର କରିବାକୁ ପଡୁଛି। ରାଜନୈତିକ ଉଦ୍ଦେଶ୍ୟ ରଖାଯାଇ କେନ୍ଦ୍ର ଅବହେଳାର ସ୍ଳୋଗାନ ଦିଆଯାଉଛି। କେନ୍ଦ୍ର ପକ୍ଷରୁ ରାଜ୍ୟକୁ ୨୦୧୫-୧୬ରେ ୩୬,୬୦୦ କୋଟି ଟଙ୍କା, ୨୦୧୬-୧୭ରେ ୪୩,୪୧୩.୦୮ କୋଟି, ୨୦୧୭-୧୮ରେ ୪୮.୮୯୨ କୋଟି, ୨୦୧୮-୧୯ରେ ୫୪,୯୫୧ କୋଟି, ୨୦୧୯-୨୦ରେ ୬୩, ୭୩୫ କୋଟି ଏବଂ ଚଳିତ ଆର୍ଥିକ ବର୍ଷରେ ୬୮,୩୦୦ କୋଟି ଟଙ୍କାର ଅନୁଦାନ ଦିଆଯାଇଛି। ରାଜ୍ୟର ନିଜସ୍ବ ଆୟ ୫୬ ହଜାର କୋଟି ଟଙ୍କା ରହିଛି। ଅପରପକ୍ଷରେ ରାଜ୍ୟ ପକ୍ଷରୁ ଦରମା ଏବଂ ପେନସନ୍ ବାବଦକୁ କେବଳ ୬୮ ହଜାର କୋଟି ଟଙ୍କା ଆବଶ୍ୟକ। ତେଣୁ ସରକାରଙ୍କ ଦ୍ୱାରା ଆଗତ କରାଯାଇଥିବା ଶିଶୁ, ପୋଷଣ ଏବଂ ଜଳବାୟୁ ବଜେଟ ଦ୍ୱାରା କେବଳ ଗୋଲାପୀ ଚିତ୍ର ଅଙ୍କାଯାଇଛି। ପ୍ରଧାନମନ୍ତ୍ରୀ ଆବାସ ଯୋଜନାକୁ ନିଜ ନାମରେ କରିବା ପାଇଁ ବାରମ୍ବାର ତା’ର ମୋଡାଲିଟିରେ ପରିବର୍ତ୍ତନ କରାଯାଉଥିବା ବିଷ୍ଣୁ ଅଭିଯୋଗ କରିଥିଲେ। ଏହା ପରେ ଶାସକ ଦଳ ପକ୍ଷରୁ ଅମର ଶତପଥୀ ବଜେଟ ଉପରେ ଆଲୋଚନା କରିଥିଲେ। ଅମର କହିଥିଲେ ଯେ, ବିଭିନ୍ନ କ୍ଷେତ୍ରରେ ଓଡ଼ିଶା ଆଜି ମଡେଲ ରାଜ୍ୟ। ବିଏସ୍କେୱାଇ, ଜାଗା ମିଶନ ପରି ଲୋକ କଲ୍ୟାଣକାରୀ ଯୋଜନା ସୁଦୂରପ୍ରସାରୀ ହୋଇପାରିଛି। ଚଳିତ ଥର ଆଗତ ହୋଇଥିବା ବଜେଟରେ ୫-ପି’କୁ ପ୍ରାଧାନ୍ୟ ଦିଆଯାଇଛି। ଏହା ହେଉଛି ପେପରଲେସ୍, ପାଟିସିପେକ୍ଟୋରି, ପିପୁଲ ଓରିଏଣ୍ଟେଡ୍, ପ୍ରସ୍ପେକ୍ଟଟିଭ୍ ଏବଂ ପ୍ରମିସିଭ୍। ଓଡ଼ିଶା କେନ୍ଦ୍ର ସରକାରଙ୍କଠାରୁ ଯେଉଁ ହାରରେ ଅନୁଦାନ ପାଇବା କଥା, ତାହା ହ୍ରାସ ପାଇବାରେ ଲାଗିଛି। ଚଳିତ ଆର୍ଥିକ ବର୍ଷରେ ରାଜ୍ୟ ୩୨୮୬ କୋଟି ଟଙ୍କା ହରାଇବାକୁ ଯାଉଛି। କେନ୍ଦ୍ର ସରକାର କୋଇଲା ରୟାଲଟି ସଂଶୋଧନ କରୁନାହାନ୍ତି। ବିପର୍ଯ୍ୟୟ ପରିଚାଳନା ପାଇଁ ଆବଶ୍ୟକ ପାଣ୍ଠି କେନ୍ଦ୍ର ଯୋଗାଇ ଦେଉ ନ ଥିବା ଅମର କହିଥିଲେ। ଏହା ପରେ ବିଧାୟକ ରମେଶ ବେହେରା ମଧ୍ୟ ବଜେଟ ସର୍ବାଙ୍ଗୀନ ବିକାଶର ଆଧାର ହେବ ବୋଲି କହିଥିଲେ।
ସେହିଭଳି କଂଗ୍ରେସ ନେତା ସୁରେଶ ରାଉତରାୟ କହିଥିଲେ ଯେ, କ୍ୟାପିଟାଲ ହସ୍ପିଟାଲକୁ ମେଡିକାଲ କଲେଜ କରାଯାଉ। ଫନୀ କ୍ଷତିଗ୍ରସ୍ତଙ୍କ ପୂର୍ଣ୍ଣାଙ୍ଗ ତାଲିକା ନାହିଁ, ସେମାନଙ୍କ ପାଖରେ ଠିକ୍ ସମୟରେ ସହାୟତା ପହଞ୍ଚତ୍ ନାହିଁ। ଶିଳ୍ପପତିଙ୍କ ଉପରେ ଥିବା ଜଳ ଏବଂ ବିଦ୍ୟୁତ୍ କର ଆଦାୟ କରାଯାଉ। ସବୁ ପ୍ରକାର ଠିକା ନିଯୁକ୍ତି ବ୍ୟବସ୍ଥା ବନ୍ଦ କରାଯାଉ। ଜିଲାସ୍ତରରେ ଆର୍ଆଇ କାର୍ଯ୍ୟାଳୟରୁ ଆରମ୍ଭ କରି ଜିଲାପାଳ ଅଫିସରେ ପଦବୀ ପୂରଣ କରାଯାଉ। କେନ୍ଦ୍ର ସରକାର ରାଜ୍ୟର ପ୍ରାୟ ୪୪,୦୦୦ କୋଟି ଟଙ୍କା ବାକି ରଖିଛନ୍ତି। ସେ ସବୁ କିପରି ମିଳିପାରିବ, ତାହାର ବ୍ୟବସ୍ଥା କରାଯାଉ। ରାଜଧାନୀରେ ୧୦,୦୦୦ ଲୋକ ଏକାଠି ବସିବା ଭଳି ଅଡିଟୋରିୟମ ନିର୍ମାଣ କରାଯାଉ। ସବ୍ଇନିସ୍ପେକ୍ଟର ପଦବୀ ପୂରଣ ସହ ନିୟମିତ ପାଟ୍ରୋଲିଂ ବ୍ୟବସ୍ଥା ହେଉ। ବିଧାୟକମାନେ ନିଜ ନିଜ ଅଞ୍ଚଳରେ ମିନି ଷ୍ଟାଡିୟମ୍ କରି କ୍ରୀଡ଼ାର ପ୍ରୋତ୍ସାହନ ଦିଗରେ କାର୍ଯ୍ୟ କରନ୍ତୁ ବୋଲି ସୁରେଶ କହିଥିଲେ। ଏହା ପରେ ସୁବାସ ବେହେରା, ବିଷ୍ଣୁବ୍ରତ ରାଉତରାୟ, ରାଜକିଶୋର ଦାସ ପ୍ରମୁଖ ବିଜେଡି ପକ୍ଷରୁ ବକ୍ତବ୍ୟ ରଖି ବଜେଟକୁ ବିଭିନ୍ନ ଦିଗରୁ ପ୍ରଶଂସା କରିଥିଲେ। ଅପରପକ୍ଷରେ ଭାଜପା ବିଧାୟକ ମୁକେଶ ମହାଲିଙ୍ଗ ସରକାରଙ୍କୁ କଡ଼ା ସମାଲୋଚନା କରିଥିଲେ। ମୁକେଶ କହିଥିଲେ ଯେ, ସରକାର ଯେଉଁ ଯୋଜନା କରୁଛନ୍ତି, ସେଥିରେ ଦାରିଦ୍ର୍ୟ କମିବ ନାହିଁ। ତାହା ବଳବତ୍ତର ରହିବ ଏବଂ ତାହା ଭୋଟ ବ୍ୟାଙ୍କ୍ ଭାବେ ବ୍ୟବହୃତ ହେବ। ଆୟୁର୍ବେଦ, ହୋମିଓପାଥି ବ୍ୟବସ୍ଥାକୁ ଉପଯୁକ୍ତ ଧ୍ୟାନ ଦିଆଯାଉ ବୋଲି ମୁକେଶ କହିଥିଲେ। ବଜେଟ୍ ଆଲୋଚନା ବ୍ୟତୀତ ବିରୋଧୀ ଦଳ ନେତା ପ୍ରଦୀପ୍ତ ନାୟକ ଅନ୍ୟ ଏକ ପ୍ରସଙ୍ଗ ଗୃହର ଦୃଷ୍ଟିକୁ ଆଣିଥିଲେ। ଓଡ଼ିଶା ପ୍ରଶାସନିକ ସେବା ପାଇଁ ହେଉଥିବା ପରୀକ୍ଷା ସମୟରେ ସର୍ବଭାରତୀୟ ସେବା ପରୀକ୍ଷା ରହୁଥିବାରୁ ଏହାର ତାରିଖ ପରିବର୍ତ୍ତନ ପାଇଁ ପ୍ରଦୀପ୍ତ କହିଥିଲେ।
Posted inଆମ ଜିଲା ଖବର, ମେଟ୍ରୋ, ରାଜ୍ୟ View All
ନାଗାବଳି ନଦୀରେ ବୁଡି ଯୁବକ ମୃତ, ସ୍ନାନ ପାଇଁ ଯାଇଥିଲେ…
କଲ୍ୟାଣସିଂହପୁର,୮।୪ ( ଦୀପକ କୁମାର ପରିଡା ): ରାୟଗଡା ଜିଲା କଲ୍ୟାଣସିଂହପୁର ଅଞ୍ଚଳରେ ଘଟିଛି ଏକ ଦୁଃଖଦ ଘଟଣା। ନାଗାବଳି ନଦୀରେ ବୁଡି ଜଣେ ୩୬ ବର୍ଷୀୟ…
ଜଙ୍ଗଲରେ ଚାଲିଥିଲା ଜୁଆ ଖେଳ, ମାଡ଼ି ବସିଲା ବରପାଲି ପୋଲିସ: ୧୬ ଗିରଫ ସହ ଲକ୍ଷାଧିକ …
ବରପାଲି, ୮ ।୪(ଚିତ୍ତରଞ୍ଜନ ସାହୁ): ବରଗଡ଼ ଜିଲା ବରପାଲି ଥାନା ଅନ୍ତର୍ଗତ ବରମକେଲା ଗ୍ରୀଣ୍ଡୋଲା ଜଙ୍ଗଲରେ ଚାଲିଥିବା ଏକ ବଡ଼ ଧରଣର ଜୁଆ ଆଡ୍ଡା ଉପରେ ପୋଲିସ…
ଚାଲି ଚାଲି ଯାଉଥିଲେ, ଧକ୍କା ଦେଇ ଚାଲିଗଲା ଗାଡ଼ି; ମହିଳା…
ଛତ୍ରପୁର,୮।୪(ଦିଲ୍ଲୀପ ସାମଲ): ଗଞ୍ଜାମ ଜିଲା ଚମାଖଣ୍ଡି ଥାନା ଅଧିନ ଜାତୀୟ ରାଜପଥ ରଘୁନାଥପୁରଠାରେ ଟାଟା ଏସିଇ ଧକ୍କାରେ ଜଣେ ମହିଳା ମୃତ୍ୟୁ ହୋଇଛି । ମୃତକ ଜଣକ…
ଦିଗପହଣ୍ଡିରେ ଆଇନ ମନ୍ତ୍ରୀଙ୍କୁ ସମ୍ବର୍ଦ୍ଧନା, ଉନ୍ନତିକରଣ କାର୍ଯ୍ୟ…
ଦିଗପହଣ୍ଡି,୮।୪(ଅଶେଷ ନାଥ ମିଶ୍ର): ଦିଗପହଣ୍ଡି ଗସ୍ତରେ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । ଗଞ୍ଜାମ ଜିଲା ଦିଗପହଣ୍ଡି ଠାରେ ବୁଧବାର ରାଜ୍ୟ ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀ…
ମାନସିକ ଚାପରୁ ଚରମ ନିଷ୍ପତ୍ତି, ଝୁଲନ୍ତା ଅବସ୍ଥାରେ ଉଦ୍ଧାର ହେଲା…
କୋକସରା,୮ା୪ (ଦୁଷ୍ମନ୍ତ କୁମାର ପାଟ୍ଟଯୋଷୀ):v କଳାହାଣ୍ଡି ଜିଲା କୋକସରା ଥାନା ବୋବରିଆ ଗ୍ରାମର ଜଣେ ଯୁବକଙ୍କ ଝୁଲନ୍ତା ମୃତଦେହ ନିଜ ଘର ଭିତରୁ ଜବତ ହୋଇଛି। ମୃତକ…
ଶ୍ରୀରାମ ନବମୀର ୭୫ ବର୍ଷ ପୂର୍ତ୍ତି ସମାରୋହ, ଯୋଗଦେଲେ ଯୁବ ନେତା ନୀଳମାଧବ ସିଂଦେଓ
ରିଷିଡ଼ା, ୮ା୪ (ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ତା ବ୍ଲକ ତେରେସିଂହା ପଞ୍ଚାୟତ ବିନ୍ଧାଣି ଗ୍ରାମରେ ପବିତ୍ର ରାମନବମୀ ପାଳନର ୭୫ ବର୍ଷ ପୂର୍ତ୍ତି ସମାରୋହ ଅନୁଷ୍ଠିତ…
ଦିଗପହଣ୍ଡି ଏନଏସି କାଉନସିଲ ପକ୍ଷରୁ ପରିବର୍ଦ୍ଧିତ ସଭାରେ ଯୋଗଦେଲେ ବିଧାୟକ, ବିଦ୍ୟୁତ-ପାନୀୟ….
ଦିଗପହଣ୍ଡି,୮।୪(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଏନଏସି କାଉନସିଲର ୨୨ ତମ ପରିବର୍ଦ୍ଧିତ ଆଲୋଚନା ସଭା ବୁଧବାର ଅନୁଷ୍ଠିତ ହୋଇଯାଇଛି । କାର୍ଯ୍ୟାଳୟ ସମ୍ମିଳନୀ କକ୍ଷରେ…
ପୁନର୍ଜୀବିତ ହେବ ଲୋପ ପାଉଥିବା ଲୋକକଳା: ତୁମୁଡିବନ୍ଧ ବ୍ଲକରେ ‘ଓଡ଼ିଆ ପକ୍ଷ-୨୦୨୬’ ପାଳିତ
ତୁମୁଡିବନ୍ଧ,୮।୪ (ଦୀପକ କୁମାର ପରାସେଠ): ଲୋପ ପାଉଥିବା ଲୋକକଳାକୁ ପୁନର୍ଜୀବିତ କରିବା ଉଦ୍ଦେଶ୍ୟରେ କନ୍ଧମାଳ ଜିଲା ତୁମୁଡିବନ୍ଧ ବ୍ଲକ କାର୍ଯ୍ୟାଳୟ ସଭାଗୃହରେ ‘ଓଡ଼ିଆ ପକ୍ଷ-୨୦୨୬’ ଅନୁଯାୟୀ ‘ଲୋକକଳା…
Archives

