ଜଗନ୍ନାଥପ୍ରସାଦ,୭।୧୧(ଡି.ଏନ୍.ଏ.): ଗଞ୍ଜାମ ଜିଲା ଜଗନ୍ନାଥପ୍ରସାଦ ବ୍ଲକ ପଞ୍ଚୁଭୂତି ଗ୍ରାମର ଉପ୍ରା ବିଦ୍ୟାଳୟରେ ଗତ କିଛିଦିନ ଧରି ଅନିୟମିତତା ନେଇ ଅଭିଯୋଗ ହୋଇଆସୁଥିଲା। ଏହାର ଏକ ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହୋଇଛି। ସ୍କୁଲରେ ନିମ୍ନମାନର ଖାଦ୍ୟ ଯୋଗାଣ, ଛାତ୍ରୀଛାତ୍ର ଅନୁଯାୟୀ ଶ୍ରେଣୀଗୃହ ଅଭାବ, ଖାଦ୍ୟ ପରିମାଣ କମ୍ ଦେବା, ପାଣିଆ ଡାଲି, ଦ୍ୱିତୀୟ ଥର ମାଗିଲେ ଗାଳି କରିବା, ଅଣ୍ଡା ମିଳୁ ନ ଥିବା ଭଳି ଅଭିଯୋଗ ଆଣିଛନ୍ତି ଛାତ୍ରୀଛାତ୍ରଙ୍କ ସମେତ ଅଭିଭାବକ ଏବଂ ଗ୍ରାମବାସୀ। ଭାଇରାଲ ଭିଡିଓରେ ଜଣେ କୁନି ଝିଅ କାର୍ତ୍ତିକ ମାସରେ ଆମକୁ ଅଣ୍ଡା ଖାଇବାକୁ ମନା କରାଯାଉଥିବା କହିଛନ୍ତି। ଅନ୍ୟପକ୍ଷରେ ପ୍ରଧାନ ଶିକ୍ଷୟିତ୍ରୀ ଜୟନ୍ତୀ ଦେବୀଙ୍କୁ ପଚାରିବାରୁ ନିୟମାନୁଯାୟୀ ଖାଦ୍ୟ ଯୋଗାଇ ଦିଆ ଯାଉଥିବା କହିଛନ୍ତି।
ଏସବୁ ଘଟଣା ବିଷୟରେ ସ୍ଥାନୀୟ ସରପଞ୍ଚ ଗୋକୁଳ ଦୋରା, ସ୍କୁଲ କମିଟି ସଭାପତି ସନ୍ତୋଷ କୁମାର ବେହେରା, ବୁଦ୍ଧିଜୀବୀ ସୁରେଶ ପଟ୍ଟନାୟକ ଉପସ୍ଥିତ ରହି ବିଇଓଙ୍କୁ ଖବର ଦେଇଥିବା କହିଛନ୍ତି। ବିଇଓ ବିଜୟ କୁମାର ରାଉତ ଏ ଘଟଣାର ତଦନ୍ତ ଦାୟିତ୍ୱ ଟିମ୍କୁ ଦିଆଯାଇଥିବା କହିଛନ୍ତି l
