ମୁମ୍ବାଇ: ବଲିଉଡ୍ରେ ବିଭିନ୍ନ ସମୟରେ ଭିନ୍ନ ଭିନ୍ନ କାହଣୀକୁ ନେଇ ନିର୍ମାଣ କରାଯାଇଥାଏ ଫିଲ୍ମ। ଏମିତିକି ସତ ଘଟଣାକୁ ନେଇ ତିଆରି ହୋଇଥିବା ଫିଲ୍ମ ଦର୍ଶକଙ୍କ ମନକୁ ମଧ୍ୟ ବେଶ୍ ଛୁଇଁପାରେ। ଏହି କ୍ରମରେ ଭାରତୀୟ ସେନାଙ୍କୁ ମଧ୍ୟ ବଲିଉଡ୍ ପରଦାରେ ଅନେକ ସମୟରେ ସ୍ଥାନ ଦିଆଯାଇଛି। ଯାହା ସମସ୍ତଙ୍କୁ ବେଶ୍ ପସନ୍ଦ ଆସିଛି। ନିକଟରେ ବିକ୍କି କୌଶଲଙ୍କ ଅଭିନୀତ ଫିଲ୍ମ ‘ଉରି’ ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା। ଏଥିରେ ରିୟଲ ସର୍ଜିକାଲ ଷ୍ଟ୍ରାଇକକୁ ସ୍ଥାନ ଦିଆଯାଇଥିଲା। ଏଥିରେ ଭିକ୍କିଙ୍କ ସେନା ପୋଷକର ଗେଟ୍ଅପ୍ ଦର୍ଶକଙ୍କୁ ପସନ୍ଦ ଆସିଥିଲା। ଏହି ଫିଲ୍ମ ଭଲ ବ୍ୟବସାୟ ମଧ୍ୟ କରିଥିଲା। ସେମିତି ଦେଶ ପ୍ରେମର କଥା କହିଥିଲା ଫିଲ୍ମ ‘ବର୍ଡର’ ଯାହା ଆଜିବି ଦର୍ଶକଙ୍କ ମନରେ ଅଭୁଲା ହୋଇରହିଛି। ସେମିତି ହ୍ରିତିକ ରୋଶନଙ୍କ ଅଭିନୀତ ଫିଲ୍ମ ’ଲକ୍ଷ୍ୟ’ ମଧ୍ୟ ଦେଶପ୍ରେମର ବାର୍ତ୍ତା ଦେଇଥିଲା। ବଲିଉଡ୍ର ଆହୁରି କିଛି ଫିଲ୍ମ ମଧ୍ୟ ଦେଶପ୍ରେମର ବାର୍ତ୍ତା ଦେଉଥିବା ବେଳେ ଏବେବି ଦର୍ଶକଙ୍କ ମନରେ ଅଭୁଲା ହୋଇ ରହିଛି। ସେମିତି ଅମିତାଭ ବଚ୍ଚନଙ୍କଠାରୁ ଆରମ୍ଭ କରି ଅଜୟ ଦେବଗନ, ଶାହାରୁଖ ଖାଁଙ୍କୁ ମଧ୍ୟ ସେନା ପୋଷାକରେ ବଡ ପରଦାରେ ଦେଖିବାକୁ ମିଳିଛି।
