ନୂଆଦିଲ୍ଲୀ,୬-୩: ଏମ୍ପ୍ଲଇଜ ପ୍ରୋଭିଡେଣ୍ଟ ଫଣ୍ଡ ଅର୍ଗାନାଇଜେଶନ(ଇପିଏଫ୍ଓ) ଗୁରୁବାର ଏହାର ସୁଧହାର ହ୍ରାସ କରିଛି। ଫଳରେ ଉପଭୋକ୍ତାମାନେ ଚଳିତ ଆର୍ଥତ୍କ ବର୍ଷ ଲାଗି ୮.୫% ହାରରେ ସୁଧ ପାଇ ପାରିବେ। ଏହାକୁ ୭ ବର୍ଷର ସର୍ବନିମ୍ନ ସ୍ତର ବୋଲି କୁହାଯାଉଛି। ୨୦୧୮-୧୯ରେ ଇପିଏଫ୍ଓ ୮.୬୫% ହାରରେ ସୁଧ ପ୍ରଦାନ କରିଥିଲା। ଗୁରୁବାର ବସିଥିବା ଇପିଏଫ୍ଓର ସର୍ବୋଚ୍ଚ ନିଷ୍ପତ୍ତି ଗ୍ରହଣକାରୀ ସଂସ୍ଥା ସେଣ୍ଟ୍ରାଲ ବୋର୍ଡ ଅଫ୍ ଟ୍ରଷ୍ଟି (ସିବିଟି) ବୈଠକରେ ଏଭଳି ନିଷ୍ପତ୍ତି ଗ୍ରହଣ କରାଯାଇଛି ବୋଲି ଶ୍ରମ ମନ୍ତ୍ରୀ ସନ୍ତୋଷ ଗଙ୍ଗଓ୍ବାର କହିଛନ୍ତି। ଚଳିତ ଆର୍ଥତ୍କ ବର୍ଷରେ ପ୍ରଦାନ କରାଯିବାକୁ ଥିବା ସୁଧହାର ୨୦୧୨-୧୩ ପରଠାରୁ ସର୍ବନିମ୍ନ। ୨୦୧୬-୧୭ରେ ଇପିଏଫଓ ୮.୬୫%, ୨୦୧୭-୧୮ରେ ୮.୫୫% ହାରରେ ସୁଧ ହାର ଦେଇଥିବା ବେଳେ ୨୦୧୫-୧୬ରେ ସୁଧ ହାର ୮.୮% ରହିଥିଲା। ଏହାବାଦ ୨୦୧୩-୧୪ ଏବଂ ୨୦୧୪-୧୫ରେ ସୁଧ ହାର ୮.୭୫% ରହିଥିଲା ଯାହା ଚଳିତ ଆର୍ଥତ୍କ ବର୍ଷ ଠାରୁ ଅଧିକ।
