ପୁରୁଣା ଭୁବନେଶ୍ୱର,୨୯ା୩(ଡି.ଏନ୍.ଏ.): ଆସନ୍ତା ୧ ତାରିଖରେ ହେବାକୁ ଥିବା ପ୍ରଭୁ ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରାକୁ ନେଇ ଆଶଙ୍କା ପ୍ରକାଶ ପାଇଛି। କରୋନା କଟକଣା ଓ ଲକ୍ଡାଉନ୍ ପାଇଁ ଏଯାଏ ରଥ ନିର୍ମାଣ ଅଧା ହୋଇ ନାହିଁ। ଅନ୍ୟପକ୍ଷରେ ରଥଯାତ୍ରା ହେବ କି ନାହିଁ ସେନେଇ ପ୍ରଶାସନ ପକ୍ଷରୁ ସ୍ପଷ୍ଟ ହୋଇ ନ ଥିବାରୁ ଏବେ ସମସ୍ତେ ଦ୍ୱନ୍ଦ୍ୱରେ ରହିଛନ୍ତି। ଏ ନେଇ ଶନିବାର ଅପରାହ୍ନରେ ସର୍କିଟ ହାଉସ୍ରେ ବୈଠକ ପାଇଁ ସେବାୟତ ଓ ମନ୍ଦିର ପ୍ରଶାସନିକ ଅଧିକାରୀଙ୍କୁ ଡକାଯାଇଥିଲା। ପରେ କଳ୍ପନାସ୍ଥିତ ଖୋର୍ଦ୍ଧା ଉପଜିଲାପାଳଙ୍କ କାର୍ଯ୍ୟାଳୟରେ ବୈଠକ ବସିଥିଲା। ଜିଲାପାଳ ସୀତାଂଶୁ ରାଉତ ପହଞ୍ଚତ୍ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ କରୋନା ପାଇଁ ପ୍ରସ୍ତୁତ ୪୦ ଗାଇଡ୍ଲାଇନ୍ ପଢ଼ି ଶୁଣାଇଥିଲେ ମଧ୍ୟ ରଥଯାତ୍ରା ହେବ କି ନାହିଁ ସେ ସଂକ୍ରାନ୍ତରେ କିଛି କହି ନ ଥିଲେ। ଏହାକୁ ନେଇ ସେବାୟତମାନେ ଅସନ୍ତୋଷ ପ୍ରକାଶ କରିଛନ୍ତି। ସେବାୟତ ଲିଙ୍ଗରାଜ ପୂଜାପଣ୍ଡା କହିଛନ୍ତି, ଥରେ ରୁକୁଣା ରଥଯାତ୍ରା ବନ୍ଦ ହେଲେ, ବିଧି ମୁତାବକ ୧୨ବର୍ଷ ଅପେକ୍ଷା କରିବାକୁ ପଡିବ। ତ୍ରେତୟା ଯୁଗରୁ ରୁକୁଣା ରଥଯାତ୍ରାର ପରମ୍ପରା ରହିଛି। ତେଣୁ ରଥଯାତ୍ରା କିପରି ହୋଇପାରିବ ତାହା ବ୍ୟବସ୍ଥା କରାଯିବା ଜରୁରୀ। କରୋନା ଗାଇଡ୍ଲାଇନ ଅନୁସାରେ ଅଳ୍ପ କେତେଜଣ ସେବାୟତଙ୍କ ଦ୍ୱାରା ରୁକୁଣା ରଥଯାତ୍ରା ଓ ଅନ୍ୟାନ୍ୟ ନୀତିକାନ୍ତି ସମ୍ପନ୍ନ କରାଗଲେ ପରମ୍ପରା ବଞ୍ଚତ୍ ରହିବ ବୋଲି ସେ କହିଛନ୍ତି।
