ଶ୍ମଶାନ ରାସ୍ତାରେ ରହସ୍ୟଜନକ ସମାଧି
8:08 amMarch 7, 2020 / 41

ପାରାଦୀପ, ୭।୩ (ସ୍ବ.ପ୍ର.): ପାରାଦୀପ ମଡେଲ ଥାନା ଅଧୀନ ମଧୁବନ ଶ୍ମଶାନ ରାସ୍ତା ନଦୀ ପଠାଠାରେ ଏକ ରହସ୍ୟଜନକ ସମାଧିକୁ ନେଇ ଶୁକ୍ରବାର ଅପରାହ୍ନରେ ହଟଚମଟ ସୃଷ୍ଟି ହୋଇଛି। ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚତ୍ ଥିଲେ ବି ସମାଧିକୁ ଖୋଳି ନ ଥିବା ଜଣାପଡ଼ିଛି। କୌଣସି ଅଭିଯୋଗ ନ ଥିବାରୁ ପୋଲିସ ନିଜ ଆଡୁ କିଛି ପଦକ୍ଷେପ ନେଇନାହିଁ। ଶନିବାର ମାଜିଷ୍ଟ୍ରେଟ୍‌ଙ୍କ ଉପସ୍ଥିତିରେ ସମାଧି ଖୋଳାଯିବ ବୋଲି ଥାନାଧିକାରୀ ରଜନୀକାନ୍ତ ସାମଲ କହିଛନ୍ତି। ମିଳିଥିବା ସୂଚନା ଅନୁସାରେ, ଗତ ୪ ତାରିଖ ରାତି ପ୍ରାୟ୧୧ଟା ବେଳେ ୪-୫ଜଣ ଲୋକ ମଶାଣୀକୁ ସଂଯୋଗ ରାସ୍ତା ପାର୍ଶ୍ୱରେ ଏକ ବସ୍ତାରେ କିଛି ପୁରାଇ ପୋତି ଦେଇଥିଲେ। ଏହାପରେ ସେହି ସ୍ଥାନରେ ନଡ଼ିଆ ଗଛ ଗଣ୍ଡିଗୁଡ଼ିକୁ ପକାଇ ଦେଇଥିଲେ। ଏହାକୁ ଶ୍ମଶାନର ରାତ୍ର ଜଗୁଆଳି ମୃତ୍ୟୁଞ୍ଜୟ ମଣ୍ଡଳ ଓ ତାଙ୍କ ସ୍ତ୍ରୀ ମାନସୀ ମଣ୍ଡଳ ଦେଖିଥିଲେ ବି ସେମାନଙ୍କୁ କିଛି କହି ନ ଥିଲେ। ତେବେ ସେମାନେ ଏ ସମ୍ପର୍କରେ ବଙ୍ଗାଳିପଡ଼ା ବସ୍ତିର କେତେଜଣଙ୍କୁ କହିବା ପରେ କଥା ପ୍ରଘଟ ହୋଇଥିଲା। ପୋଲିସ ଘଟଣାସ୍ଥଳରେ ପହଞ୍ଚତ୍ ଯାଞ୍ଚ କରିଫେରିଛି। ତେବେ ମାଟି ତଳେ କ’ଣ ପୋତା ଯାଇଛି, ତାକୁ ନେଇ ବେଶ୍‌ ଚର୍ଚ୍ଚା ଲାଗିରହିଛି।