ମୁମ୍ବାଇ: ଟେଲିଭିଜନଠାରୁ ଆରମ୍ଭ କରି ସୋସିଆଲ ମିଡିଆ ପର୍ଯ୍ୟନ୍ତ ବଲିଉଡ୍ର ପ୍ରସିଦ୍ଧ ଗାୟିକା ନେହା କକ୍କର ଏବଂ ଆଦିତ୍ୟ ନାରାୟଣଙ୍କ ବିବାହକୁ ନେଇ ବେଶ୍ ଚର୍ଚ୍ଚା ଚାଲିଛି। ‘ଇଣ୍ଡିଆନ୍ ଆଇଡଲ୍-୧୧’ରେ ନେହା ଜଜ୍ ଭୂମିକା ତୁଲାଉଥିବା ବେଳେ ଆଦିତ୍ୟ ଶୋ’ର ହୋଷ୍ଟ କରୁଥିଲେ। ଏହି ଶୋ’ରୁ ହିଁ ଦୁହିଁଙ୍କ ବିବାହ ଖବର ଚର୍ଚ୍ଚାକୁ ଆସିଥିଲା। ଦିନକୁ ଦିନ ଏମାନଙ୍କ ବିବାହକୁ ନେଇ ନୂଆ ନୂଆ କଥା ଶୁଣିବାକୁ ମିଳୁଛି। ଏବେ ନେହା ହାତରେ ଲାଲ୍ ଚୁଡ଼ି ପିନ୍ଧିଥିବା ନଜର ଆସିଛି। ଖୋଦ୍ ନେହା ମଧ୍ୟ ଏହାର ଏକ ଭିଡିଓ ତାଙ୍କ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଭିଡିଓଟି ପୋଷ୍ଟ କରିବାର ମାତ୍ର କିଛିକ୍ଷଣ ମଧ୍ୟରେ ଏହା ବେଶ୍ ଭାଇରାଲ ହେବାରେ ଲାଗିଛି।
ଭିଡିଓରେ ନେହା ଏକ କାର୍ରେ ବସିଥିବା ଦେଖିବାକୁ ମିଳିଥିବା ବେଳେ ପାଶ୍ଚାତ ଡ୍ରେସ୍ ସହିତ ହାତରେ ଲାଲ୍ ଏବଂ ଧଳା ରଙ୍ଗର ଚୁଡ଼ି ପିନ୍ଧିଛନ୍ତି। ସେ ଏକ ଗୀତ ‘କବ୍ ଓ୍ବ ଦିନ୍ ଆୟେଗା, ଜବ୍ ହମ୍ ଭି ମେହେନ୍ଦୀ ଲଗ୍ଓ୍ବାଙ୍ଗେ ନା ଜାନେ କବ୍ ଆୟେଙ୍ଗେ ଔର୍ ଡୋଲି ମେ ଲେ ଯାଏଙ୍ଗେ’ ଗାଉଛନ୍ତି। ଗୀତରୁ ଯାହା ଜଣାପଡୁଛି ନେହା କୌଣସି ଖାସ୍ ଲୋକଙ୍କୁ ବହୁତ ମିସ୍ କରୁଛନ୍ତି। ଆଉ ତାଙ୍କୁ ଅପେକ୍ଷା କରି ରହିଛନ୍ତି। ଏହା ପୁଣି ଭାଲେଣ୍ଟାଇନ୍ ଓ୍ବିକ୍ସରେ। ନେହାଙ୍କ ଗୀତ ସାଙ୍ଗକୁ ହାତରେ ଚୁଡ଼ି ଦେଖି ଫ୍ୟାନ୍ମାନେ ମଧ୍ୟ ଦ୍ୱନ୍ଦ୍ୱରେ ପଡ଼ିଛନ୍ତି।
ତେଣୁ ପ୍ରକୃତ କଥାଟା ହେଲା ‘ଗୋଆ ବିଚ୍’ର ଗୀତରେ ନେହା ଏବଂ ଆଦିତ୍ୟ ଦୁଇଜଣ ମିଶି କଣ୍ଠଦାନ କରିଛନ୍ତି। ନେହାଙ୍କ ଭାଇ ଟୋନି କକ୍କର ଏଥିରେ ସ୍ବର ଦେଇଛନ୍ତି। ସେ ଯାହା ବି ହେଉନା କାହିଁକି ନେହାଙ୍କ ବିବାହ ଖବର କେତେଦୂର ସତ ତାହା ଆସନ୍ତା ୧୪ ତାରିଖ ଅର୍ଥାତ୍ ଭାଲେଣ୍ଟାଇନ୍ ଡେ’ରେ ସ୍ପଷ୍ଟ ଜଣାପଡ଼ିବ।
