ଲାଞ୍ଜିଗଡ,୫ା୫(ଡି.ଏନ୍.ଏ): ସରକାର ଓ ସ୍ଥାନୀୟ ପ୍ରଶାସନ ପକ୍ଷରୁ ଯେତେ ସଚେତନ କରାଗଲେ ମଧ୍ୟ ବୁଝିବାକୁ ନାରାଜ। ବିଭିନ୍ନ ସ୍ଥାନରେ ଲୋକେ ସାମାଜିକ ଦୂରତାକୁ ବେଖାତିର କରୁଛନ୍ତି । କଳାହାଣ୍ଡି ଜିଲା ଲାଞ୍ଜିଗଡ ବ୍ଲକରେ ଦେଖିବାକୁ ମଳିଛି ଏଭଳି ସ୍ଥିତି। ତେଜରାତି ଦୋକାନ ଓ ଆମିଷ ଦୋକାନମାନଙ୍କରେ ଲୋକେ ଦୂରତା ରଖୁ ନଥିବା ପରିଲକ୍ଷିତ ହେଉଛି। ବ୍ଲକର ଦୁର୍ଗମ ଅଞ୍ଚଳରେ ରାସନ ନେବା ସମୟରେ ଲୋକେ ସାମାଜିକ ଦୂରତାକୁ ଭୁଲିଯାଇଥିବା ନଜରକୁ ଆସୁଛି। ଏଭଳିକି ଲାଞ୍ଜିଗଡ ବ୍ଲକରେ ଥିବା ବିଭିନ୍ନ ବ୍ୟାଙ୍କଗୁଡିକରେ ମଧ୍ୟ ଭିଡ ଦେଖିବାକୁ ମଳୁଛି । ବର୍ତ୍ତମାନ ସରକାର ଧନଜନ ଆକାଉଣ୍ଟମାନଙ୍କରେ ମହିଳାମାନଙ୍କ ପାଇଁ ଟଙ୍କା ପଠାଇଛନ୍ତି। ଏହି ଟଙ୍କା ଉଠାଣ ପାଇଁ ବ୍ୟାଙ୍କମାନଙ୍କରେ ପ୍ରବଳ ଭିଡ ହେଉଛି । ଗ୍ରାହକମାନେ ସାମାଜିକ ଦୂରତାକୁ ରକ୍ଷା କରୁ ନାହାନ୍ତି । ବ୍ଲକର ବେନଗାଁ ଓ ମୁଷାନାଳ ବ୍ୟାଙ୍କରେ ଏଭଳି ପରିସ୍ଥିତି ଦେଖିବାକୁ ମିଳିଛି । ଗୋଟିଏ ସ୍ଥାନରେ ଲୋକେ ଜମା ହୋଇଥିବା ବେଳେ ଅନେକ ଲୋକଙ୍କ ମୁହରେ ମାସ୍କ ମଧ୍ୟ ନଥିବା ଦେଖିବାକୁ ମଳିଥିଲା । ସେହିପରି ପ୍ରଶାସନ ପକ୍ଷରୁ ସକାଳ ୬ଟାରୁ ପୂର୍ବାହ୍ନ ୧୧ଟା ପର୍ଯ୍ୟନ୍ତ ଦୋକାନ ବଜାର ଖୋଲିବାକୁ ଅନୁମତି ଥିବା ବେଳେ ସବୁଠି ସାମାଜିକ ଦୂରତାକୁ ଅଣଦେଖା କରାଯାଉଛି । ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଦାବି ହୋଇଛି ।
