ନୂଆଦିଲ୍ଲୀ: ଲକ୍ଡାଉନରେ ରହିବା ଆଦୌ ବୋରିଂ ନୁହେଁ, ବରଂ ନିଜକୁ ଉପଭୋଗ କରିବାର ପ୍ରକୃଷ୍ଟ ସମୟ। ଏମିତି ଏକ ବାର୍ତ୍ତା ଦେଉଛି ସୋସିଆଲ ମିଡିଆରେ ଭିଡିଓ ପୋଷ୍ଟ କରିଥିବା ମା-ଝିଅଙ୍କର ଏକ ଯୋଡ଼ି। ଲକ୍ଡାଉନରେ ଘର ଭିତରେ ରହିବା ହିଁ ନିଜକୁ ଆକ୍ଟିଭ୍ କରିବା, ମଜା କରିବାର ସମୟ। ଏକଥା ନିଜ ମା’ଙ୍କୁ ଜଣାଇବା ପାଇଁ ଝିଅଜଣକ ଏକ ଅଭିନବ ଉପାୟ ଚିନ୍ତା କରି ଭିଡିଓ ତିଆରି କରିଛନ୍ତି। ଭିଡିଓରେ ଉଦାସ ଥିବା ମା’ଙ୍କ ପାଖରେ ତାଙ୍କ ଝିଅ ମଜାଳିଆ ଢଙ୍ଗରେ ନାଚି ତାଙ୍କୁ ହସାଇବା ପାଇଁ ଚେଷ୍ଟା କରୁଛନ୍ତି। ତାଙ୍କ ମା’ ପ୍ରଥମେ ବିରକ୍ତ ହେଉଥିଲେ ବି ପରେ ଝିଅର ନାଚ ଦେଖି ନିଜେ ମଧ୍ୟ ଖୁସିରେ ନାଚିବା ଆରମ୍ଭ କରିଥିଲେ।
ସମ୍ ହୋଲସନ୍ କ୍ୟାରେନଣ୍ଟିଂ ନାଁରେ ଏହି ଭିଡଓିଟି ପୋଷ୍ଟ ହୋଇଛି। ତେବେ ଭିଡିଓଟି ସୋସିଆଲ ମିଡିଆରେ ପୋଷ୍ଟ ହେବାର ମାତ୍ର ଦିନକ ପରେ ହଜାର ହଜାର ସଂଖ୍ୟାରେ ଲୋକଙ୍କ ଦୃଷ୍ଟି ଆକର୍ଷଣ କରିପାରିଛି। ୨୪ ହଜାରରୁ ଅଧିକ ଲୋକ ଏହାକୁ ପସନ୍ଦ କରିଥିବାବେଳେ ୫୦୦ ରୁ ଅଧିକ ଏନେଇ ସକାରାତ୍ମକ କମେଣ୍ଟ ଦେଇଛନ୍ତି।
