ନୂଆଦିଲ୍ଲୀ,୨୭।୩: ଦେଶରେ କରୋନା ଭାଇରସ୍ ପ୍ରକୋପ ଜାରି ରହିଛି। ଏଥିରୁ ବର୍ତ୍ତିବା ପାଇଁ କେନ୍ଦ୍ରସରକାର ସାରା ଦେଶରେ ୨୧ଦିନ ଯାଏଁ ଲକ୍ଡାଉନ୍ ଘୋଷଣା କରିଛନ୍ତି। ଏଭଳି ସ୍ଥିତିରେ ଘରେ ରହି ଲୋକଙ୍କୁ ସମୟ କାଟିବା କଷ୍ଟକର ହୋଇପଡ଼ିଛି। କରୋନା ଯୋଗୁ ସମସ୍ତ ଫିଲ୍ମ ରିଲିଜ୍ ଓ ଟିଭିଏହାରି ଭିତରେ ଦର୍ଶକଙ୍କ ପାଇଁ ଏକ ବଡ଼ ଖୁସିଖବର ଆସିଛି। ଦୂରଦର୍ଶନରେ ପୁଣିଥରେ ରାମାନନ୍ଦ ସାଗରଙ୍କ ରାମାୟଣକୁ ପ୍ରସାରିତ କରାଯିବ। ଏନେଇ କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ଶୁକ୍ରବାର ଟୁଇଟ କରି ସମସ୍ତଙ୍କୁ ଜଣାଇଛନ୍ତି। କିଛି ଦିନ ତଳେ ସାଧାରଣ ଜନତା ରାମାୟଣ ଓ ମହାଭାରତକୁ ପୁନଃ ପ୍ରସାରଣ କରିବା ପାଇଁ ଡିମାଣ୍ଡ କରିଥିଲେ। ତେବେ ଜନତାଙ୍କ କଥା ରଖି ଦୂରଦର୍ଶନ ମାର୍ଚ୍ଚ ୨୮ ଶନିବାରଠାରୁ ପୁଣିଥରେ ରାମାୟଣକୁ ପ୍ରସାରଣ କରିବ। ଏହାକୁ ଦର୍ଶକ ଦିନକୁ ୨ଥର ଦେଖିପାରିବେ। ପ୍ରଥମ ଏପିସୋଡ୍ ସକାଳ ୯ଟାରେ ଓ ଦ୍ୱିତୀୟ ଏପିସୋଡ୍ ରାତି ୯ଟାରେ ପ୍ରସାରିତ ହେବ ବୋଲି ଜଣାପଡ଼ିଛି। ସେହି ସମୟରେ ରାମାୟଣ ବେଶ୍ ଲୋକପ୍ରିୟ ହୋଇପାରିଥିଲା। ଏଥିସହ ରାମାୟଣର ବିଭିନ୍ନ ଚରିତ୍ରରେ ଅଭିନୟ କରିଥିବା ଅଭିନେତା ଓ ଅଭିନେତ୍ରୀଙ୍କୁ ଆଜି ବି ଲୋକେ ଭୁଲିପାରିନାହାନ୍ତି।
