ଭୁବନେଶ୍ୱର,୬।୧୨ (ବ୍ୟୁରୋ):ରାଜ୍ୟ ସରକାରଙ୍କ ନିଜସ୍ବ ଖାଦ୍ୟ ସୁରକ୍ଷା ଯୋଜନାରେ ଆଉ ୨ ଲକ୍ଷ ୨ ହଜାର ୮୦୯ ଅନ୍ତର୍ଭୁକ୍ତ କରାଯିବ। ଯେଉଁ ଯୋଗ୍ୟ ହିତାଧିକାରୀ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ସାମିଲ ହୋଇପାରିନାହାନ୍ତି, ସେମାନଙ୍କୁ ଏହି ତାଲିକାରେ ଅନ୍ତର୍ଭୁକ୍ତ କରିବା ପାଇଁ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ପଦକ୍ଷେପ ନିଆଯାଇଛି। ଏ ସଂକ୍ରାନ୍ତରେ ବିଭାଗ ପକ୍ଷରୁ ସମସ୍ତ ଜିଲାପାଳଙ୍କୁ ପତ୍ର ଲେଖାଯାଇଛି।
ଏଥିସହିତ ଜିଲା ନିମନ୍ତେ ଧାର୍ଯ୍ୟ ହିତାଧିକାରୀଙ୍କୁ ଯୋଗ୍ୟତା ଅନୁସାରେ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ସାମିଲ କରିବା ଲାଗି କୁହାଯାଇଛି। ଏହି କ୍ରମରେ ଅନୁଗୋଳ ପାଇଁ ୨୮୩୮, ବାଲେଶ୍ୱର ୭୬୫୬, ବରଗଡ଼ ୨୯୯୨, ଭଦ୍ରକ ୪୪୭୬, ବଲାଙ୍ଗୀର ୧୩୮୦୪, ବୌଦ୍ଧ ୧୧୩୬, କଟକ ୪୯୨୪, ଢେଙ୍କାନାଳ ୫୨୬୪, ଦେବଗଡ଼ ୩୫୨ ଏବଂ ଗଜପତି ଜିଲାର ୪୩୦୬ ବ୍ୟକ୍ତିବିଶେଷଙ୍କ ଲାଗି ଧାର୍ଯ୍ୟ ହୋଇଛି। ସେହିଭଳି ଗଞ୍ଜାମ ୩୮୦୩୪, ଜଗତ୍ସିଂହପୁର ୩୪୮୬, ଯାଜପୁର ୫୭୪୨, ଝାରସୁଗୁଡ଼ା ୨୨୪୨, କଳାହାଣ୍ଡି ୭୬୫୬, କନ୍ଧମାଳ ୪୬୦୯, କେନ୍ଦ୍ରାପଡ଼ା ୫୨୬୪, କେନ୍ଦୁଝର ୮୧୩୪, ଖୋର୍ଦ୍ଧା ୩୫୦୨ ଏବଂ କୋରାପୁଟ ଜିଲାର ୮୬୧୨ ଜଣ ହିତାଧିକାରୀଙ୍କ ଲାଗି ବ୍ୟବସ୍ଥା ରହିଥିଲା ବେଳେ ମାଲକାନଗିରି ୩୫୬୮, ମୟୂରଭଞ୍ଜ ୧୪,୩୫୪, ନବରଙ୍ଗପୁର ୩୭୨୨, ନୟାଗଡ଼ ୩୮୧୨, ନୂଆପଡ଼ା ୬୩୫୨, ପୁରୀ ୭୧୭୮, ରାୟଗଡ଼ା ୬୬୯୮, ସମ୍ବଲପୁର ୫୭୪୨, ସୁବର୍ଣ୍ଣପୁର ୪୩୦୬ ଏବଂ ସୁନ୍ଦରଗଡ଼ ଜିଲା ପାଇଁ ୧୨୦୪୮ ଜଣ ହିତାଧିକାରୀଙ୍କୁ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ସାମିଲ କରାଯିବ ବୋଲି ଜଣାପଡ଼ିଛି।
