ରାଜନୀତି ଛାଡ଼ିଲେ ସନା ମରିନ୍‌
9:35 amSeptember 8, 2023 / 07

କୋପେନ୍‌ହାଗେନ,୮ା୯: ଫିନ୍‌ଲାଣ୍ଡର ପୂର୍ବତନ ପ୍ରଧାନମନ୍ତ୍ରୀ ସନା ମରିନ୍‌ ଗୁରୁବାର ରାଜନୀତିରୁ ସନ୍ନ୍ୟାସ ନେଇଛନ୍ତି। ୟୁରୋପର ସର୍ବକନିଷ୍ଠ ନେତ୍ରୀ ମାନ୍ୟତା ପାଇଥିବା ୩୭ ବର୍ଷୀୟା ସନା ଲଣ୍ଡନ୍‌ର ଏକ ଅଣଲାଭଦାୟକ ସଙ୍ଗଠନ ଟୋନି ବ୍ଲେୟାର ଇନ୍‌ଷ୍ଟିଚ୍ୟୁଟ୍‌ ଫର୍‌ ଗ୍ଲୋବାଲ ଚେଞ୍ଜରେ ଉପଦେଷ୍ଟା ଭାବେ ଯୋଗଦେବା ନେଇ ଘୋଷଣା କରିଛନ୍ତି। ୨୦୧୯ରେ ସନା ୫ଟି ଦଳର ସମର୍ଥନରେ ମେଣ୍ଟ ସରକାର ଗଢ଼ିଥିଲେ। କୋଭିଡ୍‌-୧୯ ମୁକାବିଲାରେ ବଳିଷ୍ଠ ଭୂମିକା ନେଇ ଏବଂ ଯୁଦ୍ଧ ପ୍ରଭାବିତ ୟୁକ୍ରେନ୍‌କୁ ସମର୍ଥନ କରି ସେ ଅନ୍ତର୍ଜାତୀୟ ସ୍ତରରେ ପ୍ରଶଂସିତ ହୋଇଥିଲେ। ଫିନ୍‌ଲାଣ୍ଡକୁ୍‌ ନାଟୋ ସଦସ୍ୟତା ପ୍ରଦାନରେ ମଧ୍ୟ ସନାଙ୍କ ବଡ଼ ଭୂମିକା ରହିଥିଲା। ସେ ଗତ ଜୁନ୍‌ ୨୦ରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଥିଲେ।