ନୂଆଦିଲ୍ଲୀ,୧୧।୭: ଶେଷ ହୋଇଛି ଚଳିତ ବର୍ଷର ମୌସୁମୀ ଅଧିବଶେନ। ଲୋକସଭା ବାଚସ୍ପତି ଓମ ବିର୍ଲା ଶୁକ୍ରବାର ଅଧିବେଶନର ଶେଷ ଦିନରେ ନିଜର ଅଭିଭାଷଣ ଗୃହରେ ରଖିଛନ୍ତି। ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସବୁ ଦଳର ନେତା ତଥା ସାଂସଦମାନଙ୍କୁ ଅଧିବେଶନରେ ସହଯୋଗ କରିଥିବାରୁ ଧନ୍ୟବାଦ ଅର୍ପଣ କରିଛନ୍ତି।
ସେ କହିଛନ୍ତି, ଜୁଲାଇ ୨୦ରୁ ଆରମ୍ଭ ହୋଇଥିବା ମୌସୁମୀ ଅଧିବେଶନରେ ଲୋକସଭାର ୧୭ ଟି ଅଧିବେଶନ ଅନୁଷ୍ଠିତ ହୋଇଛି। ସେଥିମଧ୍ୟରୁ ୪୪ଘଣ୍ଟା ୧୫ମିନିଟ ପାଇଁ ଗୃହକାର୍ଯ୍ୟ ଚାଲିପାରିଛି। ଲୋକସଭାରେ ୨୦ଟି ବିଲ ଆଗତ ହେବା ସହ ୨୨ଟି ବିଲ୍ ପାରିତ ହୋଇଛି।
ସେହିପରି ଗୃହରେ ପଚରାଯାଇଥିବା ୨୦ଟି ପ୍ରଶ୍ନର ଉତ୍ତର ଅଗଷ୍ଟ ୯ ୨୦୨୩ରେ ମୌଖିକ ଭାବେ ଉତ୍ତର ରଖାଯାଇଥିଲା। ଏହା ୧୭ତମ ଲୋକସଭାର ଦ୍ୱାଦଶ ଅଧିବେଶନ ଥିଲା ବୋଲି ଓମ ବିର୍ଲା କହିଛନ୍ତି।
