ନୂଆଦିଲ୍ଲୀ, ୧୭।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୁରକ୍ଷା ଦୃଷ୍ଟିରୁ ଆଇଫୋନ୍-୬ ସିରିଜ୍ ସ୍ମାର୍ଟଫୋନ୍ ବ୍ୟବହାର କରୁଛନ୍ତି। ଆପଲ୍ ପକ୍ଷରୁ ଏହି ସିରିଜ୍ରେ ଆଇଫୋନ୍-୬, ଆଇଫୋନ୍-୬ ପ୍ଲସ୍, ଆଇଫୋନ୍-୬ ଏସ୍, ଆଇଫୋନ୍-୬ ଏସ୍ ପ୍ଲସ୍ ଆଦି ସ୍ମାର୍ଟଫୋନ୍ ରହିଛି। ଗତବର୍ଷ ଚାଇନା ଏବଂ ଦୁବାଇ ଗସ୍ତ ସମୟରେ ତାଙ୍କ ହାତରେ ଏହି ଫୋନ୍ ରହିଥିବା ଦେଖିବାକୁ ମିଳିଥିଲା। ପ୍ରାୟ ୨ ବର୍ଷ ତଳେ ମୋଦି ସେ ବ୍ୟବହାର କରୁଥିବା ମୋବାଇଲ୍ ନେଟ୍ଓ୍ବାର୍କର ସ୍କ୍ରିନ୍ ଶଟ୍ ଶେୟାର କରିଥିଲେ। ଏଥିରେ ଭୋଡ଼ାଫୋନ୍ ଲୋଗୋ ଥିଲା। ଏଥିରୁ ଜଣାପଡ଼ିଥିଲା ଯେ, ସେ ଭୋଡ଼ାଫୋନ୍ ସିମ୍ ବ୍ୟବହାର କରୁଛନ୍ତି। ସେହିପରି ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଆପଲ୍ କମ୍ପାନୀର ଆଇଫୋନ୍ ଏକ୍ସ୍ଏସ୍ ବ୍ୟବହାର କରୁଛନ୍ତି। ଗତ ବର୍ଷ ସେପ୍ଟେମ୍ବରରେ କମ୍ପାନୀ ପକ୍ଷରୁ ଏହି ଫୋନର ବିକ୍ରି ଆରମ୍ଭ ହୋଇଥିଲା।
