ଅଭିନେତା ଶାହରୁଖ ଖାନଙ୍କ ଝିଅ ତଥା ଅଭିନେତ୍ରୀ ସୁହାନା ଖାନ ଏବେ ଚର୍ଚ୍ଚାରେ। ସେ ଖୁବ୍ଶୀଘ୍ର ବାପାଙ୍କ ସହ ପରଦାରେ ଧୂମ୍ ମଚାଇବାକୁ ଯାଉଛନ୍ତି। ଆଜିକାଲି ସୁହାନା ତାଙ୍କର ଷ୍ଟାଇଲିସ ଅବତାର ସହିତ ହୃଦୟ ଜିତୁଛନ୍ତି। କିନ୍ତୁ ପିଲାବେଳେ ସେ ବହୁତ କଳା ଥିଲେ ଏବଂ ଲୋକମାନେ ପ୍ରାୟତଃ ତାଙ୍କ ରଙ୍ଗ ପାଇଁ ତାଙ୍କୁ ଅସୁନ୍ଦରୀ କହୁଥିଲେ। କିନ୍ତୁ ଲୋକଙ୍କ ମନ୍ତବ୍ୟରେ ସେ ନିରୁତ୍ସାହିତ ହୋଇ ନ ଥିଲେ। ନିକଟରେ ସେ ରଙ୍ଗ ପାଇଁ ତାଙ୍କୁ ଟ୍ରୋଲ କରିଥିବା ଲୋକଙ୍କୁ ନିନ୍ଦା କରିଥିଲେ।
ସୁହାନା କୁହନ୍ତି,ବର୍ତ୍ତମାନ ବହୁତ କିଛି ଚାଲିଛି ଏବଂ ଏହା ଏପରି ଏକ ସମସ୍ୟା ଯାହାକୁ ଆମକୁ ସମାଧାନ କରିବାକୁ ପଡିବ। ଏହା କେବଳ ମୋ ବିଷୟରେ ନୁହେଁ, ଏହା ପ୍ରତ୍ୟେକ ଯୁବତୀ/ଯୁବକଙ୍କ ବିଷୟରେ, ଯେଉଁମାନେ ବିନା କାରଣରେ ଏକ ହୀନମନ୍ୟତା ସହିତ ବଢ଼ିଥାନ୍ତି। ଯେତେବେଳେ ମୁଁ ୧୨ ବର୍ଷର ଥିଲି ଲୋକମାନେ ମୋତେ କହୁଥିଲେ ମୁଁ ମୋର କଳା। ଏହି ମନ୍ତବ୍ୟଗୁଡ଼ିକ ଭାରତୀୟମାନେ ଦିଅନ୍ତି, ଯଦିଓ ଆମେ ଭାରତୀୟମାନେ ମୁଖ୍ୟତଃ ବାଦାମୀ।
ହଁ ମୁଁ ଗୋରା ନୁହେଁ, ଅସୁନ୍ଦରୀ। ଏହା ସତ୍ତ୍ୱେ ମୁଁ ଖୁସି ଏବଂ ଆପଣ ମଧ୍ୟ ହେବା ଉଚିତ। ନିଜକୁ ନେଇ ସର୍ବଦା ଗର୍ବ କରିବା ଉଚିତ୍।
ସୁହାନା ୨୦୧୯ରେ ‘ଦି ଗ୍ରେ ପାର୍ଟ ଅଫ ବ୍ଲୁ’ ଚଳଚ୍ଚିତ୍ରରେ ଅଭିନୟ କରିଥିଲେ। ଏହା ଏକ ୧୦ ମିନିଟର କ୍ଷୁଦ୍ର ଚଳଚ୍ଚିତ୍ର ଥିଲା। ଏହା ପରେ ସେ ୨୦୨୩ରେ ମୁକ୍ତିଲାଭ କରିଥିବା ନେଟଫ୍ଲିକ୍ସ ଚଳଚ୍ଚିତ୍ର ‘ଦି ଆର୍ଚିଜ’ ସହିତ ବଲିଉଡରେ ଡେବ୍ୟୁ କରିଥିଲେ। ଏବେ ସେ ତାଙ୍କ ପିତାଙ୍କ ଚଳଚ୍ଚିତ୍ର ‘କିଙ୍ଗ’ ସହିତ ଥିଏଟରରେ ଡେବ୍ୟୁ କରିବେ, ଯାହା ୨୦୨୬ରେ ମୁକ୍ତିଲାଭ କରିବ।
Dharitri – Odisha’s No.1 Odia Daily
