ବ୍ରହ୍ମଗିରି,୩୦ା୪(ଡି.ଏନ.ଏ): ଦେଶରେ କରୋନା ଭାଇରସ ଆକ୍ରାନ୍ତ ସଂଖ୍ୟା ବୃଦ୍ଧି ପାଉଥିବାବେଳେ ଏହାକୁ ରୋକିବା ପାଇଁ କୌଣସି ରୋଗପ୍ରତିଷେଧକ ବାହାରି ନଥିବାରୁ କେବଳ ଲକଡାଉନ ଯୋଗୁ ନିୟନ୍ତ୍ରଣ ହୋଇପାରିବ ବୋଲି କୁହାଯାଇଛି। ଏଥିସହ ସାମାଜିକ ଦୂରତ୍ୱ ଓ ମାସ୍କ ବ୍ୟବହାର ବାଧ୍ୟତାମୂଳକ କରାଯାଇଥିବା ବେଳେ ଏହାକୁ ଅବମାନନା କଲେ ୨୦୦ଟଙ୍କା ଜରିମାନା ଦେବାକୁ ପଡ଼ିବ ବୋଲି ପୋଲିସଙ୍କ ଜରିଆରେ ଜନତାଙ୍କୁ ସଚେତନ କରାଯାଇଛିି। ହେଲେ ବି କେତେକ ଏହି ନିର୍ଦ୍ଦେଶକୁ ଅବମାନନା କରୁଥିବାର ଦେଖାଯାଉଥିବା ବେଳେ ଗୁରୁବାର ବ୍ରହ୍ମଗିରି ଅଞ୍ଚଳର ଜଣେ ପୋଲିସ କର୍ମଚାରୀ ମାସ୍କ ନ ପିନ୍ଧି ଜରିମାନା ଦେଇଛନ୍ତି। ସୂଚନାଯୋଗ୍ୟ, ବ୍ରହ୍ମଗିରି ବ୍ଲକ ପ୍ରଶାସନ ତରଫରୁ ମାସ୍କ ବ୍ୟବହାର ନେଇ ସ୍ଥାନୀୟ ପୋଲିସ ସହ ମିଶି ଜୋରଦାର ଚେକିଂ ଚାଲୁ ରହିଛି। ଗୁରୁବାର ଚେକିଂ ସମୟରେ ଜଣେ ପୋଲିସ କର୍ମଚାରୀ ମାସ୍କ ନ ପିନ୍ଧି ଯାଉଥିବାବେଳେ ପ୍ରଶାସନ ଅଧିକାରୀ ଧରାପଡ଼ି ଜରିମାନା ଦେଇଥିଲେ ା ଏହାସହ ୮୭ ଜଣ ଖିଲାପକାରୀଙ୍କଠାରୁ ଏହି ଜରିମାନା ଆଦାୟ କରାଯାଇଛି।
