ନୂଆଦିଲ୍ଲୀ,୨୫।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ଅଲ୍ ଇଣ୍ଡିଆ ରେଡ଼ିଓ ପକ୍ଷରୁ ପ୍ରସାରିତ ହେଉଥିବା ମନ୍ କି ବାତ୍ କାର୍ଯ୍ୟକ୍ରମରେ କହିଛନ୍ତି, ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ତମ ଜନ୍ମବାର୍ଷିକୀ ପାଳନ ପାଇଁ ପ୍ରସ୍ତୁତି ଜାରି ରହିଛି। ଏହା ଦେଶର ଏକ ବଡ଼ ଉତ୍ସବ। ଏହାକୁ ଦୃଷ୍ଟିରେ ରଖି ଅକ୍ଟୋବର ୨ ପୂର୍ବରୁ ଦେଶବ୍ୟାପି ୨ ସପ୍ତାହ ଧରି ସ୍ବଚ୍ଛତା ହିଁ ସେବା ଅଭିଯାନ ଆରମ୍ଭ କରାଯିବ। ଚଳିତବର୍ଷ ଏହା ସେପ୍ଟେମ୍ବର ୧୧ରୁ ଆରମ୍ଭ କରାଯିବାର ଯୋଜନା ରହିଛି। ସେହିପରି ଜନ୍ମାଷ୍ଟମୀରେ ଦେଶ ଉତ୍ସବ ମୁଖର ହୋଇଥିବାବେଳେ କେତେକ ଅଞ୍ଚଳରେ ପ୍ରବଳ ବର୍ଷା ଯୋଗୁ ବନ୍ୟା ଦେଖାଦେଇଛି। ତେବେ ଏହାର ମୁକାବିଲା ପାଇଁ ପ୍ରୟାସ ଜାରି ରହିଥିବା ପ୍ରଧାନମନ୍ତ୍ରୀ କହିଛନ୍ତି।
