ମଦୁରାଇ,୩।୧୨: ତାମିଲନାଡୁର ମଦୁରାଇରେ ଏବେ ମଲ୍ଲୀ ଫୁଲର କିଲୋ ପିଛା ଦାମ୍ ୩ ହଜାର ଟଙ୍କା ଛୁଇଁଛି। ଅଦିନିଆ ବର୍ଷା ଯୋଗୁ ମଲ୍ଲୀ ଫୁଲର ଦରବୃଦ୍ଧି ହୋଇଥିବା ବ୍ୟବସାୟୀମାନେ କହିଛନ୍ତି। ଶ୍ରବଣ କୁମାର ନାମକ ଜଣେ ବ୍ୟବସାୟୀ କହିଛନ୍ତି ଗତ ୨ ସପ୍ତାହ ହେବ ମଲ୍ଲୀ ଫୁଲର କିଲୋ ପିଛା ଦାମ୍ ୧୫ଶହରୁ ୧୮ଶହ ଟଙ୍କା ମଧ୍ୟରେ ରହୁଥିଲା। ହେଲେ ମଙ୍ଗଳବାର ହଠାତ୍ ଏହାର ଦାମରେ ବୃଦ୍ଧି ଘଟି ୩ ହଜାର ଟଙ୍କାରେ ପହଞ୍ଚିଛି। ସୂଚନାଯୋଗ୍ୟ, ବିବାହ ଋତୁ ସହ ଏପଟେ ଉତ୍ପାଦନ କମ୍ ଥିବାରୁ ଗ୍ରାହକଙ୍କ ଡିମାଣ୍ଡକୁ ଦେଖି ମଲ୍ଲୀ ଫୁଲର ଦାମ୍ ଏପରି ବୃଦ୍ଧି ପାଇଛି ବୋଲି କୁହାଯାଉଛି। ବିଶେଷ କରି କେବଳ ବିବାହ ନୁହେଁ ତାମିଲନାଡୁର ଲୋକେ ମଲ୍ଲୀ ଫୁଲକୁ ନିତିଦିନ ଜୀବନରେ ମଧ୍ୟ ବହୁଳ ଭାବେ ବ୍ୟବହାର କରିଥାଆନ୍ତି।
