ଭବାନୀପାଟଣା,୨୦।୯(ଡି.ଏନ.ଏ.)-ଭବାନୀପାଟଣା ଲାଲବାହାଦୁର ଶାସ୍ତ୍ରୀ ଷ୍ଟାଡିୟମ୍ଠାରେ କଳାହାଣ୍ଡି କ୍ରୀଡା ସଂସ୍ଥା ଆନୁକୂଲ୍ୟରେ ଭବାନୀପାଟଣା ଦ୍ୱିତୀୟ ଟାଉନ ଫୁଟବଲ ଲିଗ୍ର ଗୁରୁବାର ପଞ୍ଚମ ଦିବସରେ ଗୁଡ୍ମର୍ନିଂ କ୍ଲବ ବନାମ ଏନ୍ଡିସିସି ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିଲା। ଗୁଡ୍ ମର୍ନିଂ କ୍ଲବ ୬-୧ ଗୋଲରେ ବିଜୟୀ ହୋଇଥିଲା। ଗୁଡ୍ ମର୍ନିଂ କ୍ଲବ ତରଫରୁ ଦେବ ଗଉଡ ୩ ଗୋଲ, ଲିଙ୍ଗରାଜ ସୁନାନୀ ୧ ଗୋଲ, ଟୁନା ଶବର ୧ ଓ ପପୁ ମାଝି ୧ ଗୋଲ ଦେଇଥିଲେ। ଏନ୍ଡିସିସି ତରଫରୁ ଅଜିତ୍ ଗୋଟାଏ ଗୋଲ ଦେଇଥିଲେ। ଫଳରେ ଗୁଡ୍ମର୍ନିଂ କ୍ଲବ ବିଜୟୀ ହୋଇଥିଲା। ପଞ୍ଚମ ଦିବସ ମ୍ୟାଚ୍ରେ ଅତିଥି ଭାବେ ରାଜିବ ସାହୁ ଅତିଥି ଭାବେ ଯୋଗଦେଇଥିଲେ। ପଞ୍ଚମ ଦିବସରେ ଅର୍ନ୍ତଜାତୀୟ ଫୁଟବଲ ରେଫରି ନବୀନ ନାଏକ, ମନୋଜ କୁମାର ବିଶ୍ୱାଳ, ପିଭି ରାଓ, ଦେବେନ୍ଦ୍ର ରାଉତ୍ ପ୍ରମୁଖ ଖେଳ ପରିଚାଳନା କରିଥିଲେ। କ୍ରୀଡା ସଂସ୍ଥା ସମ୍ପାଦକ ତଥା ଓଡିଶା ଆଥୋଲେଟିକ୍ ଆସୋସିଏଶନ୍ ସଭାପତି ଜଗମୋହନ ପଟ୍ଟନାୟକ ଓ ଉପସଭାପତି ସୁରେନ୍ଦ୍ର ନାଥ ତ୍ରୀପାଠି, ଫୁଟବଲ ସେକ୍ରେଟେରି କାଦର ଖାନ, ଆଥେଲେଟିକ୍ ସେକ୍ରେଟେରି ସମ୍ଭୁ ରାଉତ, ଆଇପିଇ ମହେନ୍ଦ୍ର ପଣ୍ଡା, ଜିଲାର ଭେଟେରାନ ଫୁଟବଲ ଖେଳାଳି ନଳିନୀ ମୁଣ୍ଡ, ଜଳେଶ୍ୱର ଗଉଡ, କିଶୋର ସାହୁ, ଅର୍ଜୁନ ନାଏକ, ସନ୍ତୋଷ ପ୍ରଧାନ, ଭିକାରୀ ଚରଣ ମିଶ୍ର, ଝୁନୁ ପଣ୍ଡା, ଅଶୋକ ପଟ୍ଟନାୟକ ଓ ଚକ୍ରଧର ସେଠୀ ସହଯୋଗ କରିଥିଲେ।
