ବିଜେପୁର, ୧୮।୩ (ଡି.ଏନ୍.ଏ.)-
ଲୁକ୍କର ବସବାସକେ ନେଇ ଗଁ। ଜମ୍କିସି। ଲୁକ୍କର ଚାଲିଚଲନ୍, କାମବୁତା, ଭଲଗୁନ ଗଁ। ର ଗଉରବ ବଢ଼ାସି। ହେଲେ କେନ୍ସି କାରନରୁ ଗଁ। ବାସୀ ଗଁ। ଛାଡ଼ଲେ ପଦା ପାଲଟି ଯାଏସି। ଇତାକେ ଦେଶୀ ଭାଷାଥି ବେଛପରି ଗଁ। କହେସନ୍। ବରଗଡ଼ ଜିଲା ବିଜେପୁର ଏନଏସି ସଦର ମହକୁମାଥି ଥିବାର ଜେ.ନୂଆଁପାଲି ଗଁ। ଇତାର ଗୁଟେ ଉଦାହରନ୍ ଆଏ।
ବିଜେପୁର-ପଦମପୁର ରାସ୍ତାର କେଉଁଟିପାଲି ଗଁାନୁ ଅଧା କି.ମି. ଗଲେ ପଡସି ଜମିଦାର ନୂଅଁାପାଲି। ଗଁାରେ ୨୫୦.୯୧ ଏକର ରୟତି ଜମି, ୫.୧୦ ଏକର ଗୋଚର ଜମି, ୨୪.୩୪ ଏକର ଗଁା ଜଂଗଲ, ଦୁଇଟା ମୁଡ଼ା ରହିଥିବାର ସରକାରୀ ରେକର୍ଡରୁ ଜନାଯାଇଛେ। ହେଲେ ଏଛେନ୍ ଇଠାନେ କେନସି ଲୋକ୍ ତ ଦୂରର କଥା ଗୁଟେ ଛପର ଘରର ଚିନ୍ବରନ୍ ବି ନଁାଇଁନ। ଚାରହିକୁତି ଖାଲି ଖଁା ଖଁା ଲାଗୁଛେ। ପୂରୁବ୍ ଦିଗେ ଗୁଡ଼ିମୁଣ୍ଡା, ପଛିମ ଦିଗେ ପଡ଼ା, ପି.ଗଣ୍ଡପାଲି, ଉତର ଦିଗେ କେଉଁଟିପାଲି ଆର ଦକ୍ଷିଣ ଦିଗେ କର୍ଲେ ଗଁା ତକ୍ ନୂଅଁାପାଲିର ସୀମାନା ଲାଗିଛେ। ପୂରବେ ଇଠାନେ ଲୋକ୍ ଘର ଘାଡ଼ି କମେଇକୁଢ଼େଇ ରହୁଥିଲେ। ସେଥିରଲାଗି ସରକାର ଜେ.ନୂଅଁାପାଲିକେ ରାଜସ୍ବ ଗଁାର ମାଏନ୍ତା ଦେଇଥିଲେ। ବିଜେପୁର ବ୍ଲକର ୧୧୦ ଖଁଡ଼ ରାଜସ୍ବ ଗଁା ଭିତରୁ ଜେ.ନୂଅଁାପାଲି ଗୁଟେ ନ ବେଛପ୍ରି ଗଁା। ୧୮୧୮ରୁ ୧୮୨୧ ସାଲ ଭିତରେ ବିଜେପୁର ଗଁା ବସିଥିଲା। ତାର ଉତାରୁ ନୂଆଁପାଲିରେ ଥାନୀଅ ଲୋକ ରହିବାର ଆରମ୍ କରିଥିବାର ଲୋକ୍କଥାରୁ ଜନାଯାଇଛେ। ହେଲେ କେଭେ, କଁା ହେଲାଯେ ଲୋକ୍ ଇ ଗଁା ଛାଡ଼ି ପଲାଲେ କେହି ଠିକ୍ ହିସାବେ କହି ନାଇଁପାରବାର। ବିଜେପୁରର ସିଆନ୍ ଲୋକ(ବରିଷ୍ଠ ନାଗରିକ) ଅନିରୁଦ୍ଧ ସାହୁକଁୁ ପଚ୍ରାଲାରୁ ଆମର ଛୋଟ ସମିଆରେ ହେଠାନେ ଧସ୍କି ବିଦ୍ରି ଯାଇଥିବାର ଘରର କଁାଥିକୁଡ଼ ଥିବାର ଦେଖିଛୁଁ। ହେଲେ କେନ୍ କାରନ୍ରୁ ଗଁାଟା ବେଛପର ହେଲା ନାଇଁଜାନି ବଲି ସେ କହିଥିଲେ। ସେନ୍ତା ଇ ବାବ୍ଦେ ଜମିଦାର ସନତ କୁମାର ଗଡ଼ତିଆକୁଁ ପଚ୍ରାଲାରୁ ଗୁଡ଼ିମୁଣ୍ଡା ମିତାର ନୂଅଁାପାଲିରେ ଖମାର ଥିଲା। ଯେନ୍ଠାନର ଏକଜମାଲି ଜମିକେ ଚାଷ୍ କରାହେସି ତାହାକେ ଖମାର ଆର ଚାଷ୍ବାସ ବୁଝୁଥିବାର ଲୋକ୍କେ ଖମାରୀ କୁହାଯାଏସି। ଚାଷ୍ବାସ ଲାଗି ହେଠାନେ ଲୋକ୍ ରହୁଥିଲେ। ସେଥିରଲାଗି ଜେ.ନୂଅଁାପାଲି ରାଜସ୍ବ ଗଁାର ମାଏନ୍ତା ପାଇଥିଲା। ହେଲେ ଗଁା ବେଛପରି ହେବାର ବାବ୍ଦେ ନାଇଁ କହିପାରେଁ ବଲି ସେ କହିଥିଲେ। ଇ ବାବ୍ଦେ ଏନ୍ଏସି କାର୍ଯ୍ୟନିର୍ବାହୀ ଅଧ୍କାରୀ ରୁକ୍ମଣ ମେହେରକୁଁ ପଚ୍ରାଲାରୁ ନୂଅଁାପାଲିର ବଢ଼ତି ଲାଗି ଆମେ ଚେଷ୍ଟା କରୁଛୁଁ। ୪ ଝନ୍ ଭୂମିହୀନକୁଁ ପ୍ରଧାନମନ୍ତ୍ରୀ ଆବାସରେ ଘର ଦେବାର ଯୋଜନା ରହିଛେ। ୨୦ ଝନ୍ ଭୂମିହୀନ୍କୁ ଏକଜମାଲି ଭାବେ ୮୦ ଡେସିମିଲ ଜମି ରାଜସ୍ବ ବିଭାଗ ଧାଡୁ ଦିଆଯାଇଛେ। ହେଲେ ଜାଗା ଚିନ୍ହଁଟ ନାଇଁ ହେଇ। ଯେନ୍ଥିରଲାଗି ସେମାନେ ଘର ତିଆରି ଆରମ୍ ନୁହେ କରନ୍। ଇ ବିଷେଥି ତହସିଲଦାରକଁର ସଂଗେ ଆଲୋଚନା କରି ଯେତେ ଜଲ୍ଦି ହେବା ସମାଧାନ କରାଯିବା ବଲି ସେ କହିଥିଲେ।
