ବୋଲଗଡ଼,୧୧ା୭(ଡି.ଏନ୍.ଏ.)-ବୋଲଗଡ଼ ବ୍ଲକ ବଡ଼କୁମାରୀ ପଞ୍ଚାୟତ ଅନ୍ତର୍ଗତ ହାଟବସ୍ତସ୍ଥିତ ମା’ ଯୋଗମାୟା ପଞ୍ଚାୟତ ଉଚ୍ଚ ବିଦ୍ୟାଳୟକୁ ଯାଇଥିବା ରାସ୍ତାଟି ବର୍ଷା ଯୋଗୁ ଅତି କର୍ଦ୍ଦମାକ୍ତ ଅବସ୍ଥାରେ ରହିଛି। ବିଦ୍ୟାଳୟଟି ହାଟବସ୍ତଠାରୁ କୋଡପଡ଼ା ରାସ୍ତାର ମଧ୍ୟସ୍ଥଳରେ ରହିଛି। ମାତ୍ର ବିଦ୍ୟାଳୟଠାରୁ କୋଡପଡ଼ା ଓ ଖଲ୍ଲିକୋଟ ଅଭିମୁଖେ ଯାଇ ପଶ୍ଚିମ ଦିଗରେ ଏହି ରାସ୍ତାଟି ପ୍ରାୟ ଅଧ କିମି ପରେ ଆର୍ଡି ରାସ୍ତାକୁ ଛୁଇଁଛି । ଅପରପାର୍ଶ୍ୱରେ ବିଦ୍ୟାଳୟଠାରୁ ହାଟବସ୍ତ ଅଭିମୁଖେ ଯାଇଥିବା ପ୍ରାୟ ଅଧ କିମି ରାସ୍ତା କିଛିମାତ୍ରାରେ ଠିକ୍ ଥିବାବେଳେ ପଶ୍ଚିମ ପାର୍ଶ୍ୱରେ ଅଧ କିମି ରାସ୍ତା ବର୍ଷାଦିନ ଯୋଗୁ କର୍ଦ୍ଦମାକ୍ତ, ଶୋଚନୀୟ ହୋଇପଡ଼ିଛି। ଫଳରେ ଏହି ବିଦ୍ୟାଳୟରେ ପଢ଼ୁଥିବା ଖଲ୍ଲିକୋଟ ଏବଂ ଚିତ୍ରକୋଟ ଗ୍ରାମର ଛାତ୍ରୀଛାତ୍ର ଯାତାୟାତ ପାଇଁ ଅସୁବିଧାର ସମ୍ମୁଖୀନ ହେଉଛନ୍ତିି । ହାଟବସ୍ତରୁ କୋଡପଡ଼ା ଦେଇ ବୋଲଗଡ଼ ଅଭିମୁଖେ ଯାଉଥିବା ଲୋକେ ମଧ୍ୟ ଅସୁବିଧାର ସମ୍ମୁଖୀନ ହେଉଛନ୍ତି। ବର୍ଷାଦିନେ ସବୁବେଳେ ରାସ୍ତାରେ ପାଣି ଜମି ରହୁଥିବା ଯୋଗୁ କାଦୁଅ ହୋଇଯାଉଛି। ତେଣୁ ମୋରମ, ମେଟାଲ୍ ପକାଯାଇ ଉଚ୍ଚମାନର ମରାମତି କରିବାକୁ ଛାତ୍ରୀଛାତ୍ର, ଅଭିଭାବକ ଓ ସ୍ଥାନୀୟ ଲୋକେ ଦାବି କରିଛନ୍ତି । ଏ ବିଷୟରେ ବୋଲଗଡ଼ ବିଡିଓ ମଧୁସୂଦନ ବେହେରାଙ୍କୁ ପଚାରିବାରୁ ସେ କହିଥିଲେ, ରାସ୍ତାଟି ଶୀଘ୍ର ମରାମତି କରାଯିବାକୁ ଚେଷ୍ଟା କରାଯିବ ।
