ହିଞ୍ଜିଳିକାଟୁ,୧୪ା୧୧(ଡି.ଏନ୍.ଏ.)- ହିଞ୍ଜିଳିକାଟୁ ବ୍ଲକ ଶାସନଆମ୍ବଗଁା ପଞ୍ଚାୟତ ବାହିଆମ୍ପଗଁାରେ ବୁଧବାର ବାର୍ହା ଆକ୍ରମଣରେ ୨ଜଣ ଆହତ ହୋଇଛନ୍ତି। ସେମାନେ ହେଲେ ଉକ୍ତ ଗ୍ରାମର ପ୍ରକାଶ ରାଉତ ଓ ଚିତ୍ରସେନ ସାହୁ। ଉଭୟଙ୍କୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ନିଆଯାଇଥିଲା। ଚିକିତ୍ସାପରେ ଗୁରୁବାର ଉଭୟ ଘରକୁ ଫେରିଛନ୍ତି। ପ୍ରକାଶ ବୁଧବାର ଭୋରରେ ଫୁଲ ତୋଳିବାକୁ ଆସିଥିବାବେଳେ ତାଙ୍କୁ ବାର୍ହା ଆକ୍ରମଣ କରିଥିଳା। ଚିତ୍ରସେନ ରକ୍ଷା କରିବାକୁ ଯାଇଥିବାବେଳେ ତାଙ୍କୁ ମଧ୍ୟ ବାର୍ହା ଆକ୍ରମଣ କରିଥିଲା। ପାଟିଶୁଣି ଗ୍ରାମବାସୀ ରୁଣ୍ଡ ହୋଇଯିବାରୁ ବାର୍ହାଟି ନିକଟସ୍ଥ ପାହାଡ଼କୁ ପଳାଇଥିଲା। ଆହତ ୨ଜଣଙ୍କୁ ଗ୍ରାମବାସୀ ଉଦ୍ଧାର କରି ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଭର୍ତ୍ତି କରିଥିଲେ। ବାଦିଆମ୍ବଗାଁ, ଶାସନଆମ୍ବଗାଁ, ସାରୁ, ରାଳବ, ନିମିଗାଁ ପ୍ରଭୃତି ଗ୍ରାମରେ କିଛିଦିନ ହେଲା ବାର୍ହା ଉପଦ୍ରବରେ ଫସଲ ନଷ୍ଟ ହୋଇଥିବା ଚାଷୀ ଅଭିଯୋଗ କରିଛନ୍ତି। ଏନେଇ ହିଞ୍ଜିଳିକାଟୁ ଫରେଷ୍ଟର ପ୍ରଦୀପ କୁମାର ପଣ୍ଡା କହିଛନ୍ତି ଯେ, ଆହତଙ୍କ ଚିକିତ୍ସା ଚାଲିଛି ସେମାନେ ସରକାରୀ ସହାୟତା ପାଇଁ ଆବେଦନ କଲେ ବିଭାଗ ପକ୍ଷରୁ ସହାୟତା ଉଦ୍ୟମ କରାଯିବ।
