ବୁଗୁଡ଼ା,୨୫ା୯(ଡି.ଏନ.ଏ.): ବୁଗୁଡ଼ା ବ୍ଲକ ବାଘୁଆ ଜଳ ଭଣ୍ଡାରରୁ ନଦୀରେ ଜଳ ନିଷ୍କାସନ ପାଇଁ ମଙ୍ଗଳବାର ସନ୍ଧ୍ୟାରେ ଜଳ ସମ୍ପଦ କାର୍ଯ୍ୟାଳୟ ପକ୍ଷରୁ ସତର୍କ ସୂଚନା ଜାରି କରାଯାଇଛି । ଜଳ ଭଣ୍ଡାରର ସୁରକ୍ଷା ଦୃଷ୍ଟିରୁ ବାଘୁଆ ଜଳସେଚନ ଉପଖଣ୍ଡ ସହକାରୀ ନିର୍ବାହୀ ଯନ୍ତ୍ରୀ ଏହି ସତର୍କ ସୂଚନା ଡେଙ୍ଗୁରା ମାଧ୍ୟମରେ ନଈକୂଳିଆ ବାସୀଙ୍କୁ ଜଣାଇଛନ୍ତି। ତାକରଡ଼ା, ଭଗବାନପୁର, ବି.କରଡ଼ାବାଡ଼ି, ବିରଞ୍ଚତ୍ପୁର, ଗୋଲିଆ ଓ ଭାମଶିଆଳି ପଞ୍ଚାୟତବାସୀଙ୍କୁ ନଦୀରେ ଜଳ ନିଷ୍କାସନ ନିମନ୍ତେ ନିଜେ ସତର୍କ ରହିବା ସହ ଗୃହପାଳିତ ପ୍ରାଣୀଙ୍କୁ ମଧ୍ୟ ନଦୀ ଭିତରକୁ ନ ଛାଡ଼ିବାକୁ ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଏଥିସହ ଏହାର ନ କଲ ଜଳସେଚନ ବିଭାଗର ଉପରିସ୍ଥ ଅଧିକାରୀମାନଙ୍କୁ ଜଣାଇବା ସହ ସ୍ଥାନୀୟ ବିଭିନ୍ନ ପ୍ରଶାସନକୁ ମଧ୍ୟ ଦିଆଯାଇଛି ବୋଲି ସହ ନିର୍ବାହୀ ଯନ୍ତ୍ରୀ ବିଷ୍ଣୁ ଚରଣ ସାହୁ କହିଛନ୍ତି। ବାଘୁଆ ଜଳଭଣ୍ଡାରର ଜଳଧାରଣା କ୍ଷମତା ୩୧୦୦ ହେକ୍ଟର ମିଟର ଥିବା ବେଳେ ବୁଧବାର ଅପରାହ୍ନ ୪ଟା ସୁଦ୍ଧା ୨୭୨୬ ହେକ୍ଟର ମିଟରେ ପହଞ୍ଚତ୍ଛି । ଅନ୍ୟପଟେ ଜଳଭଣ୍ଡାରର ଉଚ୍ଚତା ସ୍ତର ୧୧୩.୮୫ ମିଟର ଥିବା ବେଳେ ବର୍ତ୍ତମାନ ଜଳସ୍ତର ୧୧୩.୪୦ ମିଟର ଉଚ୍ଚତାରେ ପହଞ୍ଚତ୍ ବିପଦ ସଙ୍କଟ ନିକଟତର ହୋଇଛି। ତେଣୁ ନିରାପତ୍ତା ଓ ସୁରକ୍ଷା ଦୃଷ୍ଟିରୁ କେଉଁ ସମୟରେ ଗେଟ ଦେଇ ଜଳ ନଦୀରେ ଛଡ଼ାଯିବ ତାହା ପ୍ରଶାସନ ନଜର ରଖିଛି । ବର୍ତ୍ତମାନ ଜଳ ଭଣ୍ଡାରକୁ ୧ ସେକେଣ୍ଡରେ ୪୦ ଘନ ମିଟର ଜଳ ପ୍ରବେଶ ହେଉଥିବା ଜଣାପଡ଼ିଛି ।
