ଲଣ୍ଡନ,୪।୨: ବର୍ଷକୁ ୯ କୋଟିରୁ ଅଧିକ ଟଙ୍କା ଦରମା ପାଉଥିବା ଜଣେ ଅଧିକାରୀ ଖାଦ୍ୟ ଚୋରି କରି ନିଲମ୍ବିତ ହୋଇଛନ୍ତି। ସେ କ୍ୟାଣ୍ଟିନ୍ରୁ ସ୍ୟାଣ୍ଡ୍ଓ୍ବିଚ୍ ଚୋରି କରୁଥିବା ଅଭିଯୋଗ ହୋଇଛି। ସିଟି ଗ୍ରୁପ୍ର ଲଣ୍ଡନ ମୁଖ୍ୟାଳୟରେ କାର୍ଯ୍ୟ କରୁଥିବା ବରିଷ୍ଠ ବ୍ରାଣ୍ଡ୍ ଟ୍ରେଡର ପାରଶ ଶାହଙ୍କ ବିରୋଧରେ ଏହି ଅଭିଯୋଗ ଆସିଛି। ତେବେ ଏହି ଅଭିଯୋଗକୁ ୩୧ ବର୍ଷ ବୟସ୍କ ପାରଶ ଖଣ୍ଡନ କରିଛନ୍ତି। ଏହାପୂର୍ବରୁ ପାରଶ ଏଚ୍ଏସ୍ବିସିରେ କାର୍ଯ୍ୟ କରୁଥିଲେ। ୨୦୧୭ରେ ସେ ସିଟି ଗ୍ରୁପ୍ରେ ଯୋଗ ଦେଇଥିଲେ। ସୂଚନାଯୋଗ୍ୟ, ୨୦୧୬ରେ ସିଟି ଗ୍ରୁପ୍ ପକ୍ଷରୁ ଏହାର ଜାପାନ ଶାଖାର ଜଣେ ଅଧିକାରୀଙ୍କୁ ନିଲମ୍ବିତ କରାଯାଇଥିଲା। ସେ ନିଜ ସହକର୍ମୀଙ୍କ ବାଇକ୍ରୁ ୫୦୦ ଟଙ୍କାର ଏକ ଯନ୍ତ୍ରାଶଂ ଚୋରି କରୁଥିବା ଅଭିଯୋଗ ହୋଇଥିଲା।
