ରତ୍ନଗିରି,୧୫।୫(ଡି.ଏନ୍.ଏ.)-ଯାଜପୁର ଜିଲା ସ୍ବାସ୍ଥ୍ୟ ବିଭାଗର ୨ଟି ଟିମ୍ ଶୁକ୍ରବାର ବରୀ ବ୍ଲକ ଗ୍ରସ୍ତରେ ଆସି ୨ଟି କ୍ୱାରାଣ୍ଟାଇନ କେନ୍ଦ୍ରରେ ଥିବା ୧୨୩ ଜଣଙ୍କ ସ୍ବାବ୍ ସଂଗ୍ରହ କରିଛନ୍ତି। ଗୋଟିଏ ଟିମ୍ ରତ୍ନଗିରିଠାରେ ଥିବା କ୍ୱାରାଣ୍ଟାଇନ କେନ୍ଦ୍ରରେ ୫୦ ଜଣଙ୍କ ସ୍ବାବ୍ ସଂଗ୍ରହ କରିଥିବା ଜଣାପଡିଛି। ସ୍ବାବ୍ ସଂଗ୍ରହ ସମୟରେ ଡ. କୌଶିକ ପାତ୍ର, ଜିତେନ ଦାସ, ସ୍ବାସ୍ଥ୍ୟକର୍ମୀ ମୁକୁନ୍ଦ ନାୟକ, ପ୍ରଶୋଲ କୁମାର ସାଇଁ, ରମାକାନ୍ତ ବାରିକ, ରାକେଶ ଦାସ, ସୁମିତ୍ରା ମହାପାତ୍ର ପ୍ରମୁଖ ଉପସ୍ଥିତ ଥିଲେ। ସେହିପରି ଅନ୍ୟ ଏକ ଟିମ୍ ସନ୍ଥନ କଲେଜରେ ପହଞ୍ଚି ୭୩ ଜଣଙ୍କ ସ୍ବାବ୍ ସଂଗ୍ରହ କରିଥିଲେ। ମନୋରଞ୍ଜନ ପୋଥାଳ, ବିଶ୍ୱଜିତ ବେହେରା, ସ୍ନେହାଞ୍ଜଳି ସାହୁ, ସୁନିତା ସାମଲ ପ୍ରମୁଖ ସହଯୋଗ କରିଥିବା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ ଡ. କୌଶିକ ପାତ୍ର ସୂଚନା ଦେଇଛନ୍ତି।
