ଭାରତୀୟ କ୍ରିକେଟ ଦଳର ଉଇକେଟ୍କିପର୍ ବ୍ୟାଟ୍ସମ୍ୟାନ୍ ରୁଦ୍ଧିମାନ ଶାହ ଆଜି ୩୫ ବର୍ଷରେ ପଦାର୍ପଣ କରିଛନ୍ତି। ୧୯୮୪ ମସିହା ଅକ୍ଟୋବର ୨୪ରେ ପଶ୍ଚିମବଙ୍ଗର ସିଲିଗୁଡିରେ ଜନ୍ମଗ୍ରହଣ କରିଥିଲେ। ୨୦୧୦ରେ ସେ ନାଗପୁରରେ ଦକ୍ଷିଣ ଆଫ୍ରିକା ବିପକ୍ଷରେ ଡେବ୍ୟୁ କରିଥିଲେ। କିନ୍ତୁ ଜାଣିଛନ୍ତି କି ଆରମ୍ଭରୁ ଜଣେ ଦ୍ରୁତ ବୋଲର୍ ଭାବେ ଦଳରେ ଯୋଗ ଦେଇଥିଲେ। ଟେନିସ୍ ବଲ୍ ଖେଳୁଥିବାବେଳେ ଶାହ ପେସ୍ ବୋଲିଂ କରୁଥିଲେ। କିନ୍ତୁ ଗୋଟିଏ ମ୍ୟାଚ୍ରେ ଉଇକେଟ୍ କିପିଂ କରିଥିଲେ। ତାଙ୍କୁ ଭଲ ଲାଗିବାରୁ ସେ ବୋଲି ଛାଡି ଉଇକେଟ୍ କିପିଂ ପ୍ରତି ଅଧିକ ଧ୍ୟାନ ଦେଲେ। ଛୋଟବେଳେ କିନ୍ତୁ ଶାହ କ୍ରିକେଟର ହେବାକୁ ଚାହୁଁ ନ ଥିଲେ। ସେ ଫର୍ମୁଲା ଓ୍ବାନ୍ ଡ୍ରାଇଭର୍ ହେବାକୁ ଚାହୁଁଥିଲେ। କିନ୍ତୁ ଅର୍ଥାଭାବରୁ ସେ ନିଜର ଏହି ସ୍ବପ୍ନ ପୂରଣ କରିପାରି ନ ଥିଲେ। କ୍ୟାରିୟର୍ ଭଳି ତାଙ୍କ ଲଭ୍ ଷ୍ଟୋରୀ ମଧ୍ୟ ରୋଚକ ଥିଲା। ଦୀର୍ଘ ୪ ବର୍ଷର ପ୍ରେମ ସମ୍ପର୍କ ପରେ ଦେବାରତିଙ୍କୁ ସେ ୨୦୧୧ରେ ବିବାହ କରିଥିଲେ। ଶାହ ୨୫ଟି ଷ୍ଟେ ମ୍ୟାଚ୍ ଖେଳି ୩୦.୩୩ ହାରରେ ୧୨୦୯ ରନ୍ କରିବା ସହ ୮୬ଟି କ୍ୟାଚ୍ ନେଇଥିଲେ। ୧୧ଟି ଷ୍ଟମ୍ପିଂ କରିଥିଲେ। ସେହିପରି ୯ଟି ଏକଦିବସୀୟ ମ୍ୟାଚ୍ ଖେଳି ସେ ମାତ୍ର ୪୧ ରନ୍ କରିଥିବାବେଳେ ୧୭ଟି କ୍ୟାଚ୍ ଏବଂ ୧ଟି ଷ୍ଟମ୍ପିଂ ତାଙ୍କ ନାଁରେ ରହିଛି।
