ପ୍ରଧାନଶିକ୍ଷକଙ୍କ ବିରୋଧରେ ବିଇଓଙ୍କୁ ଅଭିଯୋଗ
8:30 amDecember 4, 2019December 4, 2019 / 21

ଫିରିଙ୍ଗିଆ,୪ା୧୨: ଫିରିଙ୍ଗିଆ ବ୍ଲକ ଗେରୁପଡା ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସ୍କୁଲ ପରିଚାଳନା କମିଟିକୁ ଅଣଦେଖା କରୁଥିବା ଅଭିଯୋଗ ହୋଇଛି ା ପରିଚାଳନା କମିଟିର ସଦସ୍ୟମାନେ ଏ ନେଇ ବ୍ଲକ ଶିକ୍ଷାଧିକାରୀଙ୍କ ନିକଟରେ ଅଭିଯୋଗ କରିଛନ୍ତି। ବିଦ୍ୟାଳୟରେ ଛାତ୍ରଛାତ୍ରୀଙ୍କୁ ଏ ପର୍ଯ୍ୟନ୍ତ ବହି ଦିଆଯାଇ ନ ଥିବା ବେଳେ ପ୍ରଧାନଶିକ୍ଷକ ବହି ସବୁ ବଜାରରେ ବିକ୍ରି କରିଦେଇଥିବା ଅଭିଯୋଗ ହୋଇଛି। ମଧ୍ୟାହ୍ନ ଭୋଜନ ପାଇଁ କେତେ ଚାଉଳ ଆସୁଛି ତାହାର ସୂଚନା ଦିଆଯାଉନି। ଏ ସମ୍ପର୍କରେ ପଚାରିଲେ ପ୍ରଧାନଶିକ୍ଷକ କମିଟି ସଦସ୍ୟମାନଙ୍କୁ ଦୁର୍ବ୍ୟବହାର କରୁଥିବା ଅଭିଯୋଗ ହୋଇଛି। ତେଣୁ ଏହାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କମିଟି ସଦସ୍ୟମାନେ ଦାବି କରଛନ୍ତି। ଏ ସମ୍ପର୍କରେ ବିଇଓ ବିନୋଦ ବିହାରୀ ଦିଗାଲଙ୍କ ସହ ଯୋଗାଯୋଗ କରିବାରୁ ସେ ଭୁବନେଶ୍ୱରକୁ ମିଟିଂ ପାଇଁ ଆସିଛନ୍ତି, ଫେରିବା ପରେ ଅଭିଯୋଗର ତଦନ୍ତ କରିବେ ବୋଲି କହିଛନ୍ତି।