ବଲିଉଡ୍ ଫିଲ୍ମରେ ଖଳନାୟକ ଚରିତ୍ରରେ ଅଭିନୟ କରି ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ ଅଭିନେତା ଅମରେଶ ପୁରୀ। ଜୁନ୍ ୨୨, ୧୯୩୨ରେ ପଞ୍ଜାବର ନବାଶହରରେ ଜନ୍ମଗ୍ରହଣ କରିଥିବା ଅମରେଶଙ୍କର ଆଜି ହେଉଛି ୮୮ତମ ଜନ୍ମ ବାର୍ଷିକୀ। ସେ ୪ ଭଉଣୀଭାଇ ଥିଲେ। ବଡ଼ ଭାଇ ମଦ ପୁରୀ ଏବଂ ଚମନ ପୁରୀ ଉଭୟ ଫିଲ୍ମ କଳାକାର ଥିଲେ। ଫିଲ୍ମ ‘ମିଷ୍ଟର ଇଣ୍ଡିଆ’ରେ ମୁଗେମ୍ବୁ ଚରିତ୍ର ଅମରେଶଙ୍କୁ ବେଶ୍ ସଫଳତା ଆଣିଦେଇଥିଲା। କେବଳ ବଲିଉଡ୍ ନୁହେଁ ସେ ହଲିଉଡ୍ ଫିଲ୍ମରେ ମଧ୍ୟ କାମ କରିଥିଲେ। ଜାଣିବା ତାଙ୍କ ବିଷୟରେ କିଛି ଅଜଣା କଥା:
-ଅମରେଶ ପୁରୀ ଅଭିନେତା-ଗାୟକ କେ. ସେହଗଲଙ୍କ ସମ୍ପର୍କୀୟ ଭାଇ।
-ପ୍ରଥମ ସ୍କ୍ରିନ ଟେଷ୍ଟରେ ଅମରେଶ ବିଫଳ ହୋଇଥିଲେ। ସେତେବେଳେ ସେ ଶ୍ରମ ଏବଂ ନିଯୁକ୍ତି କର୍ମଚାରୀ ଭାବେ ରାଜ୍ୟ ବୀମା କରପୋରେଶନ ମନ୍ତ୍ରାଳୟରେ କାମ କରୁଥିଲେ।
– ଚାକିରି କରିବା ସହ ସେ ପୃଥ୍ବୀ ଥିଏଟରରେ ଅଭିନୟ କ୍ୟାରିୟର ଆରମ୍ଭ କରିଥିଲେ। -୧୯୭୯ରେ ତାଙ୍କୁ ସଂଗୀତ ନାଟକ ଏକାଡେମୀ ପକ୍ଷରୁ ପୁରସ୍କୃତ କରାଯାଇଥିଲା।
-୧୯୮୦ରେ ରିଲିଜ୍ ଫିଲ୍ମ ‘ହମ୍ ପାଞ୍ଚ’ରେ ଖଳନାୟକ ଚରିତ୍ରରେ ଅଭିନୟ କରି ସେ ପରିଚିତ ହୋଇଥିଲେ।
-ଅଭିନୟ କ୍ୟାରିୟରରେ ସେ ୪୦୦ ଫିଲ୍ମରେ କାମ କରିଛନ୍ତି।
-ବଲିଉଡ୍ ସହ ସେ ହଲିଉଡ୍ ଫିଲ୍ମ ଦେଖିବାକୁ ମଧ୍ୟ ପସନ୍ଦ କରୁଥିଲେ। ଅମରେଶ ରିଚର୍ଡ ଏଟନବରେଙ୍କ ଫିଲ୍ମ ‘ଗାନ୍ଧୀ(୧୯୮୨)ରେ କାମ କରିଥିଲେ।
-ଜାନୁଆରୀ ୧୨, ୨୦୦୫ରେ କ୍ୟାନ୍ସର ରୋଗରେ ପୀଡିତ ହୋଇ ତାଙ୍କର ମୃତ୍ୟୁ ଘଟିଥିଲା।
