ସୁପରଷ୍ଟାର ସଲମାନ ଖାନଙ୍କ ବହୁପ୍ରତିକ୍ଷୀତ ଫିଲ୍ମ ‘ଭାରତ’ ଇଦ ଅବସରରେ ରିଲିଜ ହୋଇଯାଇଛି। ପ୍ରଥମଦିନରେ ଫିଲ୍ମ ୪୨.୩୦କୋଟି ଟଙ୍କା ରୋଜଗାର କରି ବକ୍ସଅଫିସ୍ ରେକର୍ଡ ଭାଙ୍ଗିଛି। ସାଉଥ କୋରିୟାନ ବ୍ଳକବଷ୍ଟର ଫିଲ୍ମର ହିନ୍ଦୀ ରିମେକ ‘ଭାରତ’ ଫିଲ୍ମରେ ସଲମାନଙ୍କ ସହ କ୍ୟାଟ୍ରିନା କୈଫ ଲିଡ ରୋଲରେ ଅଛନ୍ତିା ଏହି ଫିଲ୍ମରେ ଦିଶା ପାଟନୀଙ୍କୁ ବି ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିଛି। ଅଲ୍ଲୀ ଅବାସଙ୍କ ନିର୍ଦ୍ଦେଶିତ ଏହି ଫିଲ୍ମରେ ସଲମାନଙ୍କୁ ସମ୍ପୂର୍ଣ୍ଣ ନୁଆ ଲୁକରେ ଦେଖିବାକୁ ପାଇଛନ୍ତି ଦର୍ଶକ। ଫିଲ୍ମରେ ସଲମାନଙ୍କ ସହ, କ୍ୟାଟ୍ରିନା, ଜାକି ଶ୍ରଫ, ଦିଶା ପାଟାନୀ, ନୋରା ଫତେହି, ସୁନୀଲ ଗ୍ରୋଭର ଅଭିନୟ କରିଛନ୍ତି। ଜାଣନ୍ତୁ ‘ଭାରତ’ର ୫ଟି ରେକର୍ଡ
ସଲମାନ ଏବଂ କ୍ୟାଟ୍ରିନାଙ୍କ ଅଭିନୀତ ଫିଲ୍ମ ‘ଭାରତ’ ପୂର୍ବ ରେକର୍ଡକୁ ଭାଙ୍ଗିଛି। ପୂର୍ବରୁ ଦୁହିଁଙ୍କ ଅଭିନୀତ ‘ଟାଇଗର ଜିନ୍ଦା ହୈ’ ପ୍ରଥମଦିନରେ ୩୪ କୋଟି ଆୟ କରିଥିଲା।
ସେହିପରି ଇଦରେ ଏଯାବତ୍ ରିଲିଜ୍ ହୋଇଥିବା ସଲମାନଙ୍କ ଫିଲ୍ମଗୁଡିକ ପ୍ରଥମଦିନ ଆୟରେ ‘ଭାରତ’ ସର୍ବାଗ୍ରେ ରହିଛି। ପୂର୍ବରୁ ସୁଲତାନ ୩୬.୩୭ କୋଟି ଟଙ୍କା ରୋଜଗାର କରିଥିଲା।
ସଲମାନଙ୍କ କ୍ୟାରିୟରର ପ୍ରଥମ ଫିଲ୍ମ ଭାବେ ‘ଭାରତ’ ପ୍ରଥମ ଦିନରେ ୪୨.୩୦କୋଟି ଆୟ କରିଛି। ପୂର୍ବରୁ ପ୍ରେମ ରତନ ଧନ ପାୟୋ ପ୍ରଥମ ଦିନରେ ୪୦.୩୬କୋଟି ଟଙ୍କା ଆୟ କରିଥିଲା।
‘ଭାରତ’ ୨୦୧୯ରେ ପ୍ରଥମ ବଲିଉଡ ଫିଲ୍ମ ଭାବେ ପ୍ରଥମ ଦିନରେ ୪୨.୩୦କୋଟି ଟଙ୍କା ଆୟ କରିଛି। ଏହିବର୍ଷ ରିଲିଜ୍ ହୋଇଥିବା କଳଙ୍କ ପ୍ରଥମ ଦିନରେ ୨୧.୬୦ କୋଟି ଟଙ୍କା ରୋଜଗାର କରିଥିଲା।
‘ଭାରତ’ ୭୦ଟି ଦେଶର ୧୩୦୦ ସିନେମା ଘରେ ରିଲିଜ୍ କରାଯାଇଥିବାବେଳେ ଭାରତରେ ୪୭୦୦ ସିନେମା ଘରେ ରିଲିଜ୍ କରାଯାଇଛି।
