ମୁମ୍ବାଇ: କରୋନା ଭାଇରସ ପାଇଁ ଏବେ ସାରା ଦେଶରେ ଲକ୍ଡାଉନ ୪.୦ ଜାରି ରହିଛି। ଏହି ସମୟରେ ବଲିଉଡ୍ର ସବୁ ସେଲିବ୍ରିଟି ପାୟତଃ ଘରେ ନିଜ ପରିବାର ସହ କ୍ୱାଲିଟି ଟାଇମ୍ ସ୍ପେଣ୍ଡ କରୁଛନ୍ତି। ଆଉ ମଝିରେ ମଝିରେ ସୋସିଆଲ ମିଡିଆରେ କିଛି ଫଟୋ ଓ ଭିଡିଓ ଶେୟାର କରି ପ୍ରଶଂସକଙ୍କ ମନୋରଞ୍ଜନ ମଧ୍ୟ କରୁଛନ୍ତି। ନିକଟରେ ବଲିଉଡ୍ ନାୟିକା ମଲାଇକା ଆରୋରା ଏକ ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଯାହାକୁ ନେଇ ଚର୍ଚ୍ଚା ହେଉଛି। ଏହି ଫଟୋରେ ମଲାଇକା ତାଙ୍କ ପୁଅ ଓ ଡଗି ସହ ନଜର ଆସିଛନ୍ତି। ଏବେ ଆଲୋଚନା ହେଉଛି କି ମଲାଇକା ପୁଅ ଅରହାନଙ୍କୁ ନେଇ ଅର୍ଜୁନଙ୍କ ସହ ଏକାଠି ରହୁଛନ୍ତି। ଏହାର କାରଣ ହେଲା କିଛିଦିନ ତଳେ ଏମିତି କିଛି ଫଟୋ ଭାଇରାଲ ହୋଇଥିଲା ଯଉଁଥିରେ ମଲାଇକା ଅର୍ଜୁନଙ୍କ ସହ କ୍ୱାରାଣ୍ଟାଇନ ପିରିୟଡ ଏନ୍ଜୟ କରୁଥିଲେ। ପୁଣି କିଛିଦିନ ପୂର୍ବେ ଅର୍ଜୁନ କପୁର ମଧ୍ୟ ଇନଷ୍ଟାଗ୍ରାମରେ ଏକ ଷ୍ଟୋରୀ ପୋଷ୍ଟ କରିଥିଲେ ଆଉ ଏଥିରେ ସେ ମଲାଇକାଙ୍କ ହାତ ତିଆରି କେକ୍ ଖାଉଥିବା ନଜର ଆସିଥିଲା। ଆଉ ଏବେକାର ଫଟୋକୁ ଦେଖି ଅନୁମାନ କରାଯାଉଛି କି ମଲାଇକା ପୁଅ ଅରହାନଙ୍କୁ ନେଇ ଅର୍ଜୁନଙ୍କ ସହ ଏକାଠି ଲକ୍ଡାଉନ ପିରିୟଡର ମଜା ନେଉଛନ୍ତି। କିଛିଦିନ ହେବ ଅର୍ଜୁନ କପୁର ଓ ମଲାଇକା ଆରୋରାଙ୍କ ରିଲେସନଶିପକୁ ନେଇ ଆଲୋଚନା ହେଉଥିବା ବେଳେ ଏମାନେ କିନ୍ତୁ ଏ ସମ୍ପର୍କରେ କେବେ କେଉଁଠି ଖୋଲାଖୋଲି କିଛି କଥା ହୋଇ ନାହାନ୍ତି। ଏମିତିକି ଏମାନେ ଖୁବଶୀଘ୍ର ବିବାହ କରିବେ ବୋଲି ମଧ୍ୟ ଆଲୋଚନା ବି ହେଉଛି।
