ରଣପୁର,୨୯।୧୦(ସ୍ବ.ପ୍ର.)-ନୟାଗଡ଼ ଜିଲା ରଣପୁର ବ୍ଲକ ଖତିଆ ଭଞ୍ଜସାହିରେ ନିର୍ମାଣାଧୀନ ପାଇଖାନା ଟାଙ୍କିରେ ପଡ଼ି ଜଣେ ୪ ବର୍ଷର ଶିଶୁଙ୍କ ରବିବାର ମୃତ୍ୟୁ ଘଟିଛି । ସେ ହେଲେ ଭଞ୍ଜସାହିର ରମେଶ ନାୟକଙ୍କ ସାନ ପୁଅ ବୁଲୁ ନାୟକ। ସେ ଉକ୍ତ ସାହିର ବିଚି ନାୟକଙ୍କ ବାରିପଟେ ଖେଳୁଥିଲେ । ବିଚିଙ୍କର ଏକ ପାଇଖାନା କରାଯିବା ପାଇଁ ଟାଙ୍କି ଖୋଳାହୋଇ ରହିଥିଲା । ଏଥିରେ ବର୍ଷାପାଣି ଭର୍ତ୍ତି ହୋଇ ଯାଇଥିତ୍ଲା । ବୁଲୁ ସେଠାରେ ଖେଳୁଥିବା ବେଳେ ଅସାବଧାନତାବଶତଃ ଟାଙ୍କିକୁ ଗୋଡ଼ ଖସି ଯାଇଥିଲା । ଏହା ଦେଖି ଜଣେ ଲୋକ ସଙ୍ଗେ ସଙ୍ଗେ ବୁଲୁଙ୍କୁ ପାଣିରୁ ଉଦ୍ଧାର କରିଥିଲେ । ତାଙ୍କ ଅବସ୍ଥା ଗୁରୁତର ଥିବାରୁ ପରିବାର ଲୋକମାନେ ତାଙ୍କୁ ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଡାକ୍ତର ସେଠାରେ ବୁଲୁଙ୍କୁ ମୃତ ଘୋଷଣା କରିଥିତ୍ଲେ । ଏହି ଘଟଣା ନେଇ ଦୀପାବଳିରେ ଭଞ୍ଜସାହିରେ ଶୋକର ଛାୟା ଖେଳିଯାଇଥିଲା।
