ବାଲେଶ୍ୱର ଅଫିସ, ୨୫।୨-ବାଲେଶ୍ୱର ନେସ୍କୋ ୟୁଟିଲିଟି ପକ୍ଷରୁ ଗତ ୧୬ ତାରିଖଠାରୁ ବାଲେଶ୍ୱର, ଭଦ୍ରକ, ଯାଜପୁର, ମୟୂରଭଞ୍ଜ, କେନ୍ଦୁଝର ଜିଲାର ୧୨୦ଟି ସ୍ବତନ୍ତ୍ର ସ୍କ୍ବାଡ୍ ଦ୍ୱାରା ବକେୟା ବିଦ୍ୟୁତ୍ ବିଲ ଆଦାୟ ଓ ସଂଯୋଗ ବିଚ୍ଛିନ୍ନ ଅଭିଯାନ ଆରମ୍ଭ କରାଯାଇଛି। ରବିବାର ସୁଦ୍ଧା ୮ ଦିନରେ ୨୯, ୧୨୨ ବିଦ୍ୟୁତ୍ ଉପଭୋକ୍ତାଙ୍କଠାରୁ ୮କୋଟି ୮୪ଲକ୍ଷ ୩୮ହଜାର ଟଙ୍କା ଆଦାୟ ହୋଇଛି। ୬୩୫୪ଜଣ ଉପଭୋକ୍ତାଙ୍କର ୧୦କୋଟି ୧୫ଲକ୍ଷ ୮ହଜାର ଟଙ୍କା ବାକି ପଡ଼ିଥିବାରୁ ସେମାନଙ୍କୁ ବିଦ୍ୟୁତ୍ ବିଚ୍ଛିନ୍ନ କରାଯାଇଛି। ସେହିପରି ୮୦୯ଜଣ ଉପଭୋକ୍ତାଙ୍କ ଠାରୁ ୪୪ଲକ୍ଷ ୯୨ହଜାର ଟଙ୍କା ଆଦାୟ କରାଯାଇ ପୁନଃ ବିଦ୍ୟୁତ୍ ସଂଯୋଗ ଦିଆଯାଇଥିବା ବିଭାଗ ପକ୍ଷରୁ ସୋମବାର ଏକ ପ୍ରେସ୍ ବିବୃତିରେ ଜଣାଇ ଦିଆଯାଇଛି।
ବାଲେଶ୍ୱର ଜିଲାର ୩୪ ସ୍କ୍ବାଡ୍ ମାଧ୍ୟମରେ ୬୧୫୩ ବିଦ୍ୟୁତ୍ ଉପଭୋକ୍ତାଙ୍କଠାରୁ ୧କୋଟି ୭୧ଲକ୍ଷ ଟଙ୍କା ଆଦାୟ ହୋଇଛି। ୨୦୨୧ ଉପଭୋକ୍ତାଙ୍କର ୨କୋଟି ୨୮ଲକ୍ଷ ୧୯ହଜାର ଟଙ୍କା ବାକି ପଡ଼ିଥିବାରୁ ସେମାନଙ୍କ ବିଦ୍ୟୁତ୍ ବିଚ୍ଛିନ୍ନ କରାଯାଇଛି। ସେହିପରି ଭଦ୍ରକରେ ୧୯ଟି ସ୍କ୍ବାଡ଼୍ ମାଧ୍ୟମରେ ୨୮୫୨ ବିଦ୍ୟୁତ୍ ଉପଭୋକ୍ତାଙ୍କଠାରୁ ୧କୋଟି ୨୩ଲକ୍ଷ ୩୭ହଜାର ଟଙ୍କା ଆଦାୟ ହୋଇଛି। ୧୧୦୭ ଉପଭୋକ୍ତାଙ୍କର ୨କୋଟି ୨୧ଲକ୍ଷ ୧୫ହଜାର ଟଙ୍କା ବାକି ପଡ଼ିଥିବାରୁ ସେମାନଙ୍କ ବିଦ୍ୟୁତ୍ ବିଚ୍ଛିନ୍ନ କରାଯାଇଛି। ଯାଜପୁରରେ ୨୦ଟି ସ୍କ୍ବାଡ଼ ମାଧ୍ୟମରେ ୨୪୯୫ ବିଦ୍ୟୁତ୍ ଉପଭୋକ୍ତାଙ୍କଠାରୁ ୧ କୋଟି ୫୮ଲକ୍ଷ ୮୯ହଜାର ଟଙ୍କା ଆଦାୟ ହୋଇଛି। ୪୫୦ ଉପଭୋକ୍ତାଙ୍କର ୧କୋଟି ୬ଲକ୍ଷ ୪୩ହଜାର ଟଙ୍କା ବାକି ପଡ଼ିଥିବାରୁ ସେମାନଙ୍କ ବିଦ୍ୟୁତ୍ ବିଚ୍ଛିନ୍ନ କରାଯାଇଛି। ମୟୂରଭଞ୍ଜରେ ୨୭ଟି ସ୍କ୍ବାଡ଼୍ ମାଧ୍ୟମରେ ୧୨୭୪୨ ବିଦ୍ୟୁତ୍ ଉପଭୋକ୍ତାଙ୍କଠାରୁ ୨କୋଟି ୯୩ଲକ୍ଷ ୧୮ହଜାର ଟଙ୍କା ଆଦାୟ ହୋଇଛି। ୧୦୭୪ ଉପଭୋକ୍ତାଙ୍କର ୨କୋଟି ୮ଲକ୍ଷ ୬୮ହଜାର ଟଙ୍କା ବାକି ପଡ଼ିଥିବାରୁ ସେମାନଙ୍କ ବିଦ୍ୟୁତ୍ ବିଚ୍ଛିନ୍ନ କରାଯାଇଛି। କେନ୍ଦୁଝରରେ ୨୦ଟି ସ୍କ୍ବାଡ଼ ମାଧ୍ୟମରେ ୪୮୭୭ ବିଦ୍ୟୁତ୍ ଉପଭୋକ୍ତାଙ୍କଠାରୁ ୧କୋଟି ୩୭ଲକ୍ଷ ୯୪ହଜାର ଟଙ୍କା ଆଦାୟ ହୋଇଛି। ୧୭୦୨ ଉପଭୋକ୍ତାଙ୍କର ୨କୋଟି ୫୧ଲକ୍ଷ ୩୫ହଜାର ଟଙ୍କା ବାକି ପଡ଼ିଥିବାରୁ ସେମାନଙ୍କ ବିଦ୍ୟୁତ୍ ବିଚ୍ଛିନ୍ନ କରାଯାଇଥିବା ବିଭାଗୀୟ ଲୋକସମ୍ପର୍କ ଅଧିକାରୀ ଚିତ୍ତରଞ୍ଜନ ପ୍ରଧାନ ସୂଚନା ଦେଇଛନ୍ତି।
