ସାଣ୍ଟିଆଗୋ, ୨ା୩ (ଏଏଫ୍ପି)-୨୦୦୫ରେ ରାଫାଲ ନାଡାଲଙ୍କ ପରେ ଲାଟିନ୍ ଆମେରିକାର କ୍ଲେ କୋର୍ଟ ‘ଗୋଲ୍ଡେନ ସୁଇଙ୍ଗ୍’ ଟେନିସ ଟୁର୍ନାମେଣ୍ଟରେ ଚାମ୍ପିୟନ ହେବାରେ ବ୍ରାଜିଲର ଥିଆଗୋ ସିବୋଥ୍ ଓ୍ବାଇଲ୍ଡ ସର୍ବକନିଷ୍ଠ ଖେଳାଳି ବିବେଚିତ ହୋଇଛନ୍ତି। ୧୯ବର୍ଷୀୟ ଥିଆଗୋ ଫାଇନାଲରେ ଦ୍ୱିତୀୟ ସିଡ୍ ତଥା ନରଓ୍ବେର କାସ୍ପର ରୁଡ୍ଙ୍କୁ ୭-୫, ୪-୬, ୬-୩ ସେଟ୍ରେ ହରାଇ ଦେଇଛନ୍ତି। ଏକ ଏଟିପି ଇଭେଣ୍ଟରେ ଟାଇଟଲ ଜିତିବାରେ ସେ ବ୍ରାଜିଲର ମଧ୍ୟ ସର୍ବକନିଷ୍ଠ ଖେଳାଳି ବିବେଚିତ ହୋଇଛନ୍ତି। ୨୦୦୫ରେ ନାଡାଲ ଯେତେବେଳେ ଏଠାରେ ଟାଇଟଲ ବିଜୟୀ ହୋଇଥିଲେ, ସେତେବେଳେ ତାଙ୍କୁ ୧୮ ବର୍ଷ ବୟସ ହୋଇଥିଲା। ଏହି ମେକ୍ସିକାନ ଇଭେଣ୍ଟ ଏବେ ମଧ୍ୟ କ୍ଲେ-କୋର୍ଟରେ ଖେଳାଯାଉଛି। ସୋମବାର ନୂଆ ର଼୍ୟାଙ୍କିଙ୍ଗ ତାଲିକା ପ୍ରକାଶ ପାଇଛି। ଏଥିରେ ଥିଆଗୋ ର଼୍ୟାଙ୍କିଙ୍ଗ ତାଲିକାର ୧୮୨ରୁ ୧୧୩ତମ ସ୍ଥାନକୁ ଉନ୍ନୀତ ହୋଇଛନ୍ତି।
