ବଲିଉଡ୍ରେ ଅନେକ ଭେଟେରାନ ଅଭିନେତ୍ରୀ ଅଛନ୍ତି। କିନ୍ତୁ ବହୁତ କମ ଅଭିନେତ୍ରୀ ଅଛନ୍ତି, ଯାହାଙ୍କ ଅବଦାନ ବର୍ଷ ବର୍ଷ ପରେ ମଧ୍ୟ ସ୍ମରଣୀୟ ହୋଇ ରହିଛି। ଆଜି ଏପରି ଜଣେ ଅଭିନେତ୍ରୀଙ୍କ ଜନ୍ମଦିନ, ଯାହାଙ୍କ ଅବଦାନ ଚିରସ୍ମରଣୀୟ। ସେହି ଅଭିନେତ୍ରୀ ଜଣଙ୍କ ହେଉଛନ୍ତି ନର୍ଗିସ। ନର୍ଗିସ ତାଙ୍କ ଚମତ୍କାର କ୍ୟାରିୟରରେ ଅନେକ ହିଟ ଫିଲ୍ମରେ କାମ କରିଥିଲେ। ଏପରିକି ପ୍ରଥମ ଥର ପାଇଁ ଓସ୍କାର ନାମାଙ୍କନରେ ପହଞ୍ଚିଥିବା ଫିଲ୍ମ ମଦର ଇଣ୍ଡିଆରେ ନର୍ଗିସଙ୍କ ଅଭିନୟ ଆଜି ବି ଦର୍ଶକଙ୍କ ମନରେ ଜୀବିତ ହୋଇ ରହିଛି। ନର୍ଗିସଙ୍କ ସହ ଏହି ଫିଲ୍ମରେ ଅଭିନେତା ସୁନୀଲ ଦତ୍ତ ମଧ୍ୟ ଅଭିନୟ କରିଥିଲେ। ଏହି ଫିଲ୍ମ ପରେ ଦୁହେଁ ବିବାହ କରିବାକୁ ନିଷ୍ପତ୍ତି ନେଇଥିଲେ। ତେବେ ସୁନୀଲ ଦତ୍ତଙ୍କ ପାଇଁ ନର୍ଗିସଙ୍କୁ ବିବାହ କରିବା ଏତେ ସହଜ ନ ଥିଲା। ଉଭୟଙ୍କ ସମ୍ପ୍ରଦାୟ ଭିନ୍ନ ଥିଲା। ନର୍ଗିସ ମୁସଲମାନ ଏବଂ ସୁନୀଲ ହିନ୍ଦୁ ଥିଲେ। ଏହି କାରଣରୁ ସୁନୀଲଙ୍କୁ ଅଣ୍ଡରଓ୍ବାଲର୍ଡ ଧମକ ମିଳିଥିଲା। କିନ୍ତୁ ଏଥିରେ ନ ଡରି ଉଭୟ ନିଜ ପ୍ରେମକୁ ବିବାହର ରୂପ ହେଇଥିଲେ।
