ନୂଆଦିଲ୍ଲୀ, ୩୦ା୭: ଉନ୍ନାଓ ପୀଡ଼ିତା ଓ ତାଙ୍କ ପରିବାର ଯାଉଥିବା କାର୍ ଦୁର୍ଘଟଣାଗ୍ରସ୍ତ ହେବାର କିଛିଦିନ ପୂର୍ବରୁ ପୀଡ଼ିତା ଭାରତର ପ୍ରଧାନ ବିଚାରପତି (ସିଜେଆଇ)ଙ୍କ ନିକଟକୁ ଏକ ପତ୍ର ଲେଖିଥିବା ଘଟଣା ସାମ୍ନାକୁ ଆସିଛି। କିନ୍ତୁ ପତ୍ରଟି ମୋତେ ନ ମିଳିବା ଆଶ୍ଚର୍ଯ୍ୟ କରିଛି ବୋଲି ସିଜେଆଇ ତରୁଣ ଗୋଗୋଇ କହିଛନ୍ତି। ଏହା ପଛରେ କ’ଣ କାରଣ ରହିଛି ସେ କୋର୍ଟର ରେଜିଷ୍ଟ୍ରିଙ୍କୁ ରିପୋର୍ଟ ମାଗିଛନ୍ତି। ଏହି ଚିଠି ବିଷୟରେ ମୋତେ ଖବରକାଗଜରୁ ଜାଣିବାକୁ ମିଳିଛି ବୋଲି ସିଜେଆଇ କହିଛନ୍ତି। ସୂଚନାଯୋଗ୍ୟ, ଚିଠି ଉପରେ ପୀଡିତା ଏବଂ ତାଙ୍କ ପରିବାର ଉପରେ ଆକ୍ରମଣ କରାଯିବାର ଧମକ ଅଭିଯୁକ୍ତଙ୍କ ପକ୍ଷରୁ ଦିଆଯାଉଥିବା ଦର୍ଶାଯାଇଛି। ଜୁଲାଇ ୭-୮ରେ କେତେକ ସେନ୍ଗାରଙ୍କ ସମର୍ଥକ ଏଭଳି ଧମକ ଦେଇଥିବା ଚିଠିରେ ଲେଖାଯାଇଛି। ହିନ୍ଦୀରେ ଲେଖାଥିବା ଏହି ଚିଠି ସିଜେଆଇ ରଞ୍ଜନ ଗୋଗୋଇଙ୍କ କାର୍ଯ୍ୟାଳୟକୁ ଆସିଥିଲା।
