ଦୁର୍ଘଟଣାରେ ଜଣେ ମୃତ, ୨ ଆହତ
7:27 amNovember 29, 2019 / 21

ବାହାନଗା, ୨୯ା୧୧(ଡି.ଏନ.ଏ.)-ଗୁରୁବାର ରାତି ସାଢେ ୮ ଟାରେ ବାଲେଶ୍ୱର ଜିଲା ବାହାନଗା ବ୍ଲକ ୧୬ ନମ୍ବର ଜାତୀୟ ରାଜପଥ ବେଗୁନିଆ ନିକଟରେ ଏକ ମୋଟରସାଇକେଲ ଦୁର୍ଘଟଣା ଘଟି ଜଣେ ଯୁବକଙ୍କ ମୃତ୍ୟୁ ଘଟିଛି। ଏଥିରେ ୨ଜଣ ଗୁରୁତର ଆହତ ହୋଇଛନ୍ତି।
ଈଶ୍ୱରପୁର ଗ୍ରାମକୁ ପ୍ରକାଶ ସାମଲ ଓ ଉମାଶଙ୍କର ମହାପାତ୍ର ବାଲେଶ୍ୱରରୁ ଏକ ମୋଟରସାଇକେଲ (ନଂ. ଓଡି ୦୧ ଏମ୍‌-୮୫୪୮) ଯୋଗେ ଫେରୁଥିବା ବେଳେ ବେଗୁନିଆସ୍ଥିତ ୧୬ ନମ୍ବର ଜାତୀୟ ରାଜପଥଠାରେ ବିଶ୍ୱନାଥ ରାଉତଙ୍କୁ ଧକ୍କା ଦେଇଥିଲେ। ଫଳରେ ଦୁଇ ମଟରସାଇକେଲ ଆରୋହୀ ସମେତ ବିଶ୍ୱନାଥ ଗୁରୁତର ଅବସ୍ଥାରେ ତଳେପଡିଥିଲେ। ସେମାନଙ୍କୁ ସ୍ଥାନୀୟ ଲୋକେ ଆମ୍ବଲାନ୍ସ ଯୋଗେ ସୋର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସ୍ବାସ୍ଥ୍ୟକେନ୍ଦ୍ରରେ ପ୍ରକାଶ ସାମଲଙ୍କର ମୃତ ଘଟିଛି। ଖନ୍ତାପଡା ଥାନା ପୋଲିସ ମୋଟରସାଇକେଲ ଜବତ କରିଛି ା