କେନ୍ଦୁଝର,୨୪।୫(ନରେଶ ଚନ୍ଦ୍ର ପଟ୍ଟନାୟକ):କେନ୍ଦୁଝର ସହରର କମାରଗୋଡାର ସମାଜସେବୀ ତଥା ବରିଷ୍ଠ ଖବରଦାତା ମଗନ କୁମାର ମଲ୍ଲିକ(୫୭)କର୍କଟ ରୋଗରେ ପୀଡିତ ହୋଇ ଭୁବନେଶ୍ୱର ‘ଏମ୍ସ’ ମେଡିକାଲରେ ଭର୍ତ୍ତି ହୋଇଛନ୍ତି। ଏବେ ଚିକିତ୍ସା ପାଇଁ ଲକ୍ଷାଧିକ ଟଙ୍କା ଆବଶ୍ୟକ ପଡୁଥିବାବେଳେ ଆର୍ଥିକ ସମସ୍ୟା ନେଇ ପରିବାର ଲୋକେ ଚିନ୍ତାରେ ପଡିଯାଇଛନ୍ତି। ଶ୍ରୀ ମଲ୍ଲିକ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟରେ ଅସହାୟ,ନିରାଶ୍ରୟ ଲୋକଙ୍କୁ ସବୁବେଳେ ସହାୟତା କରି ପ୍ରଶଂସନୀୟ ହେଉଥିଲେ। ତାଙ୍କର ଏହି ଦୁଃଖଦ ସମୟରେ ଜିଲା ପ୍ରଶାସନ ସମେତ ରାଜ୍ୟ ସରକାର ଉପଯୁକ୍ତ ଚିକିତ୍ସା ସହିତ ଆର୍ଥିକ ସହାୟତା ପ୍ରଦାନ କରିବାକୁ ପରିବାର ବର୍ଗ ନିବେଦନ କରିଛନ୍ତି।
Dharitri – Odisha’s No.1 Odia Daily
