କାଠମାଣ୍ଠୁ,୪।୯: ନେପାଳର ତ୍ରିଶୁଳିରେ ଥିବା ଏକ ଜଳବିଦ୍ୟୁତ ପ୍ରକଳ୍ପର ସୁଡ଼ଙ୍ଗରୁ ଶୁକ୍ରବାର ଦୁଇଜଣ ଶ୍ରମିକଙ୍କୁ ଜୀବିତ ଉଦ୍ଧାର କରାଯାଇଛି। ଅଗଷ୍ଟ ୨୬ରେ ନେପାଳରେ ଆସିଥିବା ଭୟଙ୍କର ବନ୍ୟା ପରଠାରୁ ଏହି ଶ୍ରମିକମାନେ ସୁଡ଼ଙ୍ଗରେ ଫସି ରହିଥିଲେ ଏବଂ ଶେଷରେ ନଅ ଦିନ ପରେ ସେମାନେ ବାହାରି ଆସିଲେ।
ସୁରକ୍ଷିତ ଭାବରେ ବାହାରକୁ ଆସିଥିବା ଶ୍ରମିକମାନଙ୍କ ମଧ୍ୟରୁ ଜଣେ ସଞ୍ଜୟ ସାହ କହିଛନ୍ତି ଯେ ସେ ସୁଡ଼ଙ୍ଗ ଭିତରେ ‘ହରେ କୃଷ୍ଣ’ ମନ୍ତ୍ର ଜପ କରି ଚାଲିଥିଲେ ଏବଂ ତାଙ୍କୁ ଉଦ୍ଧାର କରାଯିବ ବୋଲି ଆଶା ରଖିଥିଲେ।
ସଂଯୋଗବଶତଃ, ଫସି ରହିଥିବା ସମୟରେ ନିରନ୍ତର ହରେ କୃଷ୍ଣ ମନ୍ତ୍ର ଜପ କରୁଥିବା ସଞ୍ଜୟ ସାହଙ୍କୁ କୃଷ୍ଣ ଜନ୍ମାଷ୍ଟମୀ ଦିନ ହିଁ ଉଦ୍ଧାର କରାଯାଇଥିଲା।
