ପରଜଙ୍ଗ, ୧୫।୮( ଡି.ଏନ.ଏ.)-ଢେଙ୍କାନାଳ ଜିଲା ପରଜଙ୍ଗ ବ୍ଲକର ବିଭିନ୍ନ ସ୍ଥାନରେ ଗୁରୁବାର ଆଡମ୍ବରପୂର୍ଣ୍ଣ ଭାବେ ସ୍ବାଧୀନତା ଦିବସ ପାଳିତ ହୋଇଯାଇଛି। ତ୍ରିରଙ୍ଗା ତଳେ ସମସ୍ତେ ଏକାଠି ହୋଇ ଦେଶଭକ୍ତିର ସ୍ବରରେ ମିଳାଇଥିଲେ ସ୍ବର।
ବ୍ଲକ କାର୍ଯ୍ୟାଳୟରେ ବ୍ଲକ ଅଧ୍ୟକ୍ଷ ଅକ୍ଷୟ ବେହେରା ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ। ଅନ୍ୟତମ ଅତିଥି ଭାବେ ବିଡିଓ ବସନ୍ତ କୁମାର ମଲ୍ଲିକ, ଏବିଡିଓ ଅଶୋକ ମିଶ୍ର ପ୍ରମୁଖ ଉପସ୍ଥିତ ଥିଲେ। ଜେଏମ୍ଏଫ୍ସି କୋର୍ଟ ପରିସରରେ ମାଜିଷ୍ଟ୍ରେଟ୍ ଲୋକନାଥ ମିଶ୍ର ପତାକା ଉତ୍ତୋଳନ କରିଥିଲେ। ଓକିଲ ସଂଘ ସଭାପତି ଅଶୋକ ଦଳବେହେରା, ସମ୍ପାଦକ ବେଣୁଧର ସାହୁଙ୍କ ସମେତ ବହୁ ଆଇନଜୀବୀ ଉପସ୍ଥିତ ଥିଲେ। ଏହି ଉପଲକ୍ଷେ ଚାରାରୋପଣ କାର୍ଯ୍ୟକ୍ରମ ଆୟୋଜିତ ହୋଇଥିଲା।
ତହସିଲ କାର୍ଯ୍ୟାଳୟରେ ତହସିଲଦାର ଜୟନ୍ତ କୁମାର ଜୟସିଂ, ଥାନାରେ ଥାନାଧିକାରୀ ଆନନ୍ଦ ଡୁଙ୍ଗ୍ଡୁଙ୍ଗ୍, ଗାଡି ମାଲିକ ସଂଘ କାର୍ଯ୍ୟାଳୟରେ ଅଶୋକ ସୁବାହୁସିଂ, ମହାବିରୋଡ ରେଞ୍ଜ କାର୍ଯ୍ୟାଳୟରେ ରେଞ୍ଜର ହରମୋହନ ନାୟକ ପତାକା ଉତ୍ତୋଳନ କରିଥିଲେ। ଅନୁରୂପ ଭାବେ ଅଗ୍ନିଶମ କାର୍ଯ୍ୟାଳୟ, ସବ୍ରେଜିଷ୍ଟାର କାର୍ଯ୍ୟାଳୟ ସମେତ ବିଭିନ୍ନ ଶିକ୍ଷାନୁଷ୍ଠାନରେ ଜାକ୍ଜମକର ସହ ସ୍ବାଧୀନତା ଦିବସ ପାଳିତ ହୋଇଛି।
