ଦାରିଙ୍ଗବାଡି, ୨୫।୧୨ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ବ୍ରାହ୍ମଣୀଗାଁ ରେ ତୁଳସୀ ପୂଜନ ଉତ୍ସବ ପାଈଁ ଅଞ୍ଚଳ ଉତ୍ସବ ମୁଖର ହୋଇଛି। ଏହି ଅବସରରେ ବ୍ରାହ୍ମଣୀଗାଁ ରେ ଶତାଧିକ ମହିଳା ଓ ପୁରୁଷ ଏକତ୍ରିତ ହୋଇ ତୁଳସୀ ଗଛ କୁ ମିଳିତ ପୂଜାର୍ଚନା କରିବା ସହ କଳସରେ ତୁଳସୀ ଗଛ ନେଇ ଗାଁ ପରିକ୍ରମା କରିଥିଲେ। ତୁଳସୀ ଗଛ ଆଧ୍ୟାତ୍ମିକ ପରିବେଶ ସୃଷ୍ଟି କରିବା ସହ ହିନ୍ଦୁ ଧର୍ମଲମ୍ବୀମାନେ ଏହାକୁ ଘର ଅଗଣାରେ ପୂଜା କରିଥାନ୍ତି ନିୟମିତ ତୁଳସୀ ଗଛରେ ପାଣି ଦିଆଯିବା ସହ ତୁଳସୀଙ୍କୁ ପବିତ୍ର ଦେବି ଭାବେ ପୂଜାର୍ଚନା କରାଯାଇଥାଏ ବୋଲି କୁହାଯାଏ। ଏହା ଦ୍ୱାରା ଘରର ପରିବେଶ ସଛ ରହିବା ସହ ସକାରାତ୍ମକ ପରିବେଶ ସୃଷ୍ଟି କରିଥାଏ ବୋଲି ବିଶ୍ୱାସ ଓ ଲୋକକଥା ରହିଛି।
ସେହିପରି ତୁଳସୀର ଅନ୍ୟ ଏକ ମାହାତ୍ମ୍ୟ ରହିଛି,ଯାହାକୁ ସବୁ ବର୍ଗ ପକ୍ଷରୁ ଔଷଧ ଭାବେ ବ୍ୟବହାର କରିଥାନ୍ତି ଏଥିରେ ଆଣ୍ଟି ଅକ୍ସିଡେଣ୍ଟ ଗୁଣ ଭରପୁର ରହିଥିବା ସହ ଏକାଧିକ ଗୁଣରେ ଭରପୁର ରୁହେ ତୁଳସୀ ବହୁ ପ୍ରକାର ରହିଥିବା ବେଳେ ବଣ ତୁଳସୀ ସମେତ ଶ୍ୟାମ ତୁଳସୀ, ନିମ୍ବୁ ତୁଳସୀ, ରାମ ଓ ବିଷ୍ଣୁ ତୁଳସୀ ଆଦି ତୁଳସୀ ରହିଛିବୋଲି ଉପସ୍ଥିତଲୋକଙ୍କୁ କୁହାଯାଇଥିଲା। ଯାହାକି ଶରୀର ରେ ଭିଟାମିନ, ମିନେରାଲସ ଚାପ ଏବଂ ଚିନ୍ତାର ପରିଚାଳନାରେ ସାହାଯ୍ୟ କରେ ବୋଲି କୁହାଯାଏ ସେହିପରି ତୁଳସୀ ପତ୍ର ହୃଦୟ ପାଇଁ ଏକ ଟନିକ ଭାବରେ ମଧ୍ୟ କାର୍ଯ୍ୟ କରେ। ତୁଳସୀ ଗଛ ଅନେକ ସଂକ୍ରମଣରୁ ରକ୍ଷା କରୁଥିବା କୁହାଯାଇଥାଏ ଏଥିସହ ଚାପମୁକ୍ତ କରିବା ସହ ଏଥିରେ କ୍ୟାରୋଟିନ, ପୋଟାସିୟମ, ଆଇରନ, ତମ୍ବା, ମାଙ୍ଗାନିଜ ଏବଂ ମ୍ୟାଗ୍ନେସିୟମ ଭଳି ଖଣିଜ ପଦାର୍ଥ ରହିଛିବୋଲି କୁହାଯାଏ।
ତେଣୁ ଏହାକୁ ଗତ ୨୦୧୪ରୁ ତୁଳସୀ ପୂଜନ ଦିବସ ଭାବେ ପାଳନ କରି ଏହାର ବ୍ୟାପକ ପ୍ରଚାର ଓ ସଚେତନ କରାଯାଉଥିବା ଏହି ଦିବସର ମୁଖ୍ୟ ବୋଲି ଆୟୋଜନ କମିଟି ତଥା ପ୍ରୟୋଗରାଜରୁ ଆସିଥିବା ସନ୍ଥ ଧର୍ମେସ କୁମାର କହିଛନ୍ତି। ନିୟମିତ ତୁଳସୀ ବ୍ୟବହାର କରୁଥିବା ବ୍ୟକ୍ତିଙ୍କ ରୋଗ ପ୍ରତିଷେଧକ ଶକ୍ତି ବୃଦ୍ଧି ପାଉଥିବା କୁହାଯାଇଥିଲା। କାର୍ଯ୍ୟକ୍ରମକୁ ବ୍ରାହ୍ମଣୀଗାଁ ଭାଜପା ମଣ୍ଡଳର ସଭାପତି ଗଣେଶ ଡାକୁଆଙ୍କ ସମେତ ଶ୍ୟାମ ମାହାଙ୍କୁଡ ଓ ଅନ୍ୟ ମାନେ ପରିଚାଳନା କରିଥିଲେ।
Dharitri – Odisha’s No.1 Odia Daily
