୧୭ ବର୍ଷ ପରେ ପୁଣି ଚର୍ଚ୍ଚାରେ ଗସମା ଜଙ୍ଗଲ: ମାଓବାଦୀ ସଂଗଠନକୁ ଶକ୍ତ ଧକ୍କା, ପୋଲିସକୁ ବଡ ସଫଳତା 

ଭଞ୍ଜନଗର,୨୫।୧୨(ବାବୁଲା ପ୍ରଧାନ)- ଦୀର୍ଘ ୧୭ ବର୍ଷ ପରେ ପୁଣି ଚର୍ଚ୍ଚାକୁ ଆସିଛି ଗସମା ଜଙ୍ଗଲ । ୨୦୦୮ ମସିହା ଫେବୃୟାରୀ ମାସ ୧୫ ତାରିଖ ରାତିରେ ମାଓବାଦୀ ମାନେ ନୟାଗଡ଼ ପୋଲିସ ଅସ୍ତ୍ରାଗାରକୁ ଲୁଟି ନେଇ ଗଞ୍ଜାମ ଜିଲା ତାରସିଂ ଥାନା ଅନ୍ତର୍ଗତ ଗାଲେରୀ ଫାଣ୍ଡି ଅଭିମୁଖେ ଚାଲିଆସିଥିଲେ। ୧୬ ତାରିଖ ପ୍ରତ୍ୟୁଷରେ ମାଓବାଦୀ ମାନେ ଗାଲେରୀ ଫାଣ୍ଡିକୁ ବୋମା ମାଡ କରି ଉଡ଼ାଇ ଦେଇଥିଲେ। ଏହାପରେ ସେମାନେ ଗଞ୍ଜାମ କନ୍ଧମାଳ ଜିଲ୍ଲା ସୀମାରେ ଥିବା ଗସମା ଜଙ୍ଗଲ ଭିତରକୁ ଚାଲିଯାଇଥିଲେ। ଏହା ପୁର୍ବରୁ ସେମାନେ ୧୫ ତାରିଖ ରାତିରେ କମଳାବାରି ତୋଟା, ଢୋଲପିଠା ଛକ ସମେତ ଅନେକ ସ୍ଥାନରେ ରାସ୍ତା ଉପରେ ଗଛ ପକାଇ ଅବରୋଧ କରିବା ସହ ଲ୍ୟାଣ୍ଡ ମାଇନ ବିଛାଇଥିଲେ। ଏହାପରେ ଓଡ଼ିଶା ପୋଲିସ ଏବଂ କେନ୍ଦ୍ରୀୟ ଅର୍ଦ୍ଧସାମରିକ ବାହିନୀ ପକ୍ଷରୁ ଗସମା ଜଙ୍ଗଲରେ ୧୬ ତାରିଖରେ ହିଁ ଜୋରଦାର  କମ୍ବିଁ ଅପରେସନ ହୋଇଥିଲା। ସେ ସମୟରେ ପୋଲିସ ୩ ଜଣ ମାଓବାଦୀଙ୍କୁ ଜୀବନ୍ତ ଗିରଫ କରିବା ସହ ଏକାଧିକ ମାଓବାଦୀଙ୍କୁ ମାରିଥିବା ପୋଲିସ ପକ୍ଷରୁ ଦାବି ହୋଇଥିଲା। ମାଓବାଦୀଙ୍କ ପାଲଟା ଗୁଳିରେ ଜଣେ ଅଫିସର୍‌ ସମେତ ଦୁଇଜଣ କନେଷ୍ଟବଳ ସେ ସମୟରେ ଶହୀଦ ହୋଇଥିଲେ । ପୋଲିସ ଲୁଟ ଅସ୍ତ୍ରସସ୍ତ୍ର ମଧ୍ୟରୁ ଅଧିକାଂଶ ଉଦ୍ଧାର କରିବାରେ ସକ୍ଷମ ହୋଇଥିଲା। କିନ୍ତୁ ପୋଲିସ ସେ ସମୟରେ ଏକାଧିକ ମାଓବାଦୀଙ୍କୁ ହତ୍ୟା କରିଥିବା ଦାବି କରିଥିଲେ ମଧ୍ୟ ଜଣେ ବି ମାଓବାଦୀଙ୍କ ମୃତଦେହକୁ ଉଦ୍ଧାର କରି ପାରି ନ ଥିଲେ। ଏହାପରେ ଦୀର୍ଘ ବର୍ଷ ପର୍ଯ୍ୟନ୍ତ ସଂପୃକ୍ତ ଜଙ୍ଗଲରେ ମାଓବାଦୀ ଗତିବିଧି ବୃଦ୍ଧି ପାଇଥିଲା। ପୋଲିସ ଅନେକ ସମୟରେ ସେଠାରେ କମ୍ବି ଅପରେସନ କରୁଥିଲା। କିନ୍ତୁ ମାଓବାଦୀ ଓ ପୋଲିସ ମୁହାଁମୁହିଁ ହୋଇ ମୃତାହତ ହେବାର ଖବର ନ ଥିଲା।
ବିଗତ କିଛି ବର୍ଷ ହେବ ଗସମା ଜଙ୍ଗଲରେ ମାଓବାଦୀ ଗତିବିଧି ପ୍ରାୟ ବନ୍ଦ ହୋଇଯାଇଥିଲା । ଏହିଭଳି ପରିସ୍ଥିତିରେ କେନ୍ଦ୍ର ସରକାର ୨୦୨୬ ମାର୍ଚ୍ଚ ମାସ ସୁଦ୍ଧା ଦେଶରୁ ମାଓବାଦୀ ଲୋପ କରିବା ପାଇଁ ଆହ୍ବାନ ଦେଇଛନ୍ତି। ତେଣୁ ବିଭିନ୍ନ ରାଜ୍ୟରେ ମାଓବାଦୀ ଦମନ ପ୍ରକ୍ରିୟା ଜୋରଦାର ଚାଲିଛି। ତେଣୁ ପଡୋଶୀ ରାଜ୍ୟରୁ ମାଓବାଦୀ ମାନେ ଓଡ଼ିଶାକୁ ଆସି ବିଗତ କିଛି ମାସ ହେବ ଗସମା ଜଙ୍ଗଲରେ ଡେରା ପକାଇଥିଲେ। ଏନେଇ ଗୁଇନ୍ଦା ବିଭାଗ ସୂଚନା ପାଇବା ପରେ ପୁଣି ଉକ୍ତ ଜଙ୍ଗଲରେ ଏକ ବଡ ଧରଣର ବଡ ଧରଣର ଚଢାଉ ପାଇଁ ପ୍ରସ୍ତୁତି ହୋଇଥିଲା। ତେଣୁ ବିଗତ କିଛିଦିନ ହେବ ଉକ୍ତ ଜଙ୍ଗଲରେ ଚଢାଉ ଜୋରଦାର ହୋଇଥିଲା। ଗୁରୁବାର ସକାଳେ ପୋଲିସ ଓ ମାଓବାଦୀ ମଧ୍ୟରେ ଗସମା ଜଙ୍ଗଲଠାରୁ କିଛି ଦୂର କନ୍ଧମାଳ ଜିଲା ଜଙ୍ଗଲରେ ପ୍ରବଳ ଗୁଳିବିନିମୟ ହୋଇଥିଲା। ଦୀର୍ଘ ସମୟ ପର୍ଯ୍ୟନ୍ତ ଯବାନ ଓ ମାଓବାଦୀ ମଧ୍ୟରେ ଗୁଳି ବିନିମୟ ହୋଇଥିଲା। ଏଥିରେ ୪ ଜଣ ମାଓବାଦୀ ମୃତ୍ୟୁବରଣ କରିଥିବା ଜଣାପଡିଛି । ଏଥିସହ ବୁଧବାର କନ୍ଧମାଳ ଜିଲାର ଅନ୍ୟ ଏକ ଜଙ୍ଗଲରେ ଆଉ ଦୁଇଜଣ ମାଓବାଦୀ ମୃତ୍ୟୁବରଣ କରିଛନ୍ତି।  ସଂଗଠନର ଜଣେ ମୁଖ୍ୟ କମାଣ୍ଡର ନିହତ ହୋଇଛନ୍ତି । ଏହି ଚଢ଼ାଉରେ ମାଓବାଦୀ ସଂଗଠନକୁ ବଡ ଧକ୍କା ଲାଗିଛି। ଅନ୍ୟପଟେ ଦୀର୍ଘ ୧୭ ବର୍ଷ ପରେ ଗସମା ଜଙ୍ଗଲ ପୁଣି ଚର୍ଚ୍ଚାର ବିଷୟ ପାଲଟିଛି। ଗୁଳିବିନିମୟ ସମୟରେ ସଂମ୍ପୃକ୍ତ ଅଞ୍ଚଳବାସି ଆତଙ୍କିତ ଅବସ୍ଥାରେ ଥିଲେ। ଅପରପକ୍ଷେ ଆଜି ଅପରାହ୍ନରେ ପୋଲିସ ଫୋର୍ସ ଏକାଧିକ ଗାଡ଼ିରେ ଗାଲେରୀ ଅଞ୍ଚଳରେ ଚଳପ୍ରଚଳ କରୁଥିବା ଜଣାପଡିଛି । ଏବେବି କମ୍ବିଂ ଅପରେସନ ଚାଲିଥିବା ଯୋଗୁ ମୃତାହତ ସଂଖ୍ୟା ବଢିବା ସମ୍ଭାବନା ରହିଛି।

Enter your email to get our daily news in your inbox.

All Right Reserved By Dharitri.Com

ଲଗାଣ ବର୍ଷାରେ ବେହାଲ ବଲାଙ୍ଗୀର, ବିଭିନ୍ନ ପଡ଼ାରେ ରହୁଥିବା ଲୋକଙ୍କ ଘରେ ପଶିଲା ପାଣି

ବଲାଙ୍ଗୀର,୫ା୭(ସୁନିଲ କୁମାର ମହାନ୍ତି): ବଲାଙ୍ଗୀର ସହରରେ ଲଗାଣ ବର୍ଷା ଜାରି ରହିଛି। ଫଳରେ ସହରର ବିଭିନ୍ନ ପଡ଼ାରେ ରହୁଥ‌ିବା ଲୋକଙ୍କ ଘର ଭିତରକୁ ବର୍ଷା ଓ ଡ୍ରେନ୍…

ଚିଠା ଭୋଟର ତାଲିକା ପ୍ରକାଶ, ବଲାଙ୍ଗୀର ଜିଲାରୁ ବାଦ ପଡ଼ିଲେ…

ବଲାଙ୍ଗୀର,୫ା୭(ସୁନିଲ କୁମାର ମହାନ୍ତି): ବଲାଙ୍ଗୀର ଜିଲାରେ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (Special Intensive Revision – SIR) ପ୍ରକ୍ରିୟାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ…

କାଳ ବୈଶାଖୀରେ ଉଡ଼ିଯାଇଥିଲା ଟିଣ, ଛପର, ହେଉନି ମରାମତି

ମୋହନା,୫।୭(ମନ୍ମଥ ମିଶ୍ର): କାଳବୈଶାଖୀରେ ଉଡ଼ିଯାଇଥିଲା ବିଦ୍ୟାଳୟର ଟିଣ ଛପର। ହେଲେ ବର୍ତ୍ତମାନ ସୁଦ୍ଧା ଏହା ମରାମତି ହୋଇନାହିଁ। ଫଳରେ ବାଧ୍ୟହୋଇ ଦୁଇଟି ଶ୍ରେଣୀ ଗୃହରେ ପ୍ରଥମରୁ ଅଷ୍ଟମ…

କଳାହାଣ୍ଡି ପୋଲିସକୁ ବଡ଼ ସଫଳତା; ଚୋର ଗ୍ୟାଙ୍ଗର ପର୍ଦ୍ଦାଫାସ, ୪ ଗିରଫ

ଭବାନୀପାଟଣା,୫।୭(ଉତ୍ତମ କୁମାର ଦାଶ): କଳାହାଣ୍ଡି ପୋଲିସକୁ ମିଳିଛି ଏକ ବଡ଼ ସଫଳତା। ଦୀର୍ଘ ଦିନ ଧରି ଜିଲାର ଗୋଲାମୁଣ୍ଡା, କୋକସରା ଏବଂ କେଗାଁ ଥାନା ଅଞ୍ଚଳରେ ଚୋରି…

୩ ଶହରୁ ଅଧିକ ଚାଷୀଙ୍କୁ ଠକି ଲୁଟିଥିଲେ ଟଙ୍କା, ବାନ୍ଧିଲା ଉଦୟଗିରି ପୋଲିସ

ମୋହନା,୫ା୭ (ମନ୍ମଥ ମିଶ୍ର ): ଚାଷୀଙ୍କ ଠାରୁ ଲକ୍ଷାଧିକ ଟଙ୍କା ଲୁଟି ନେଇ ଶେଷରେ ବନ୍ଧା ହେଲା ଠକ ଅଭିଯୁକ୍ତ । ଏଭଳି ଘଟଣା ଦେଖିବାକୁ ମିଳିଛି…

ନଦିଗାଁ ରାସ୍ତାର ପ୍ରସ୍ତାବିତ ମଦ ଦୋକାନକୁ ବିରୋଧ, ଧୂଷୁରୀ ଥାନା ଘେରାଉ କଲେ ଶତାଧିକ ମହିଳା

ଅସୁରାଳି,୫ା୭(ସନ୍ତୋଷ ସାହୁ): ଧୂଷୁରୀ ଥାନା ଅଞ୍ଚଳର ନଦିଗାଁ ରାସ୍ତା ନିକଟରେ ପ୍ରସ୍ତାବିତ ମଦ ଦୋକାନ ଖୋଲିବାକୁ ବିରୋଧ କରିଛନ୍ତି ସ୍ଥାନୀୟ ମହିଳା । ରବିବାର ଶତାଧିକ ମହିଳା…

ଟ୍ରମ୍ପଙ୍କ ଧମକର କଡ଼ା ଜବାବ ଦେଲା ଇରାନ; ନା ସଭ୍ୟତା, ନା ଇତିହାସ….

ତେହରାନ,୫ା୭: ଡୋନାଲ୍ଡ ଟ୍ରମ୍ପଙ୍କ ନିରନ୍ତର ବୟାନବାଜି ଉପରେ ଇରାନ ତୀବ୍ର ପ୍ରତିକ୍ରିୟା ପ୍ରକାଶ କରିଛି । ଟ୍ରମ୍ପ ଦାବି କରିଥିଲେ ଯେ ସେ ଦେଶର ବରିଷ୍ଠ ନେତାମାନଙ୍କୁ…

ପାରାଗୁଏକୁ ହରାଇ କ୍ୱାର୍ଟର ଫାଇନାଲରେ ପହଞ୍ଚିଲା ଫ୍ରାନ୍ସ

ଫିଲାଡେଲଫିଆ, ୫ା୭: ପେନାଲ୍ଟି କିକ୍‌ରୁ କିଲିଆନ ଏମ୍‌ବାପେଙ୍କ ଗୋଲ ବଳରେ ରବିବାର ଖେଳାଯାଇଥିବା ରାଉଣ୍ଡ ଅଫ୍‌-୧୬ ମ୍ୟାଚ୍‌ରେ ଫ୍ରାନ୍ସ ୧-୦ ଗୋଲରେ ପାରାଗୁଏକୁ ପରାସ୍ତ କରି କ୍ୱାର୍ଟର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri