ଢେଙ୍କାନାଳ କଲେଜ ଯୁକ୍ତ୩ ପରୀକ୍ଷା ଫଳ ପ୍ରକାଶିତ: ପାସ୍ ହାର ୭୧.୨୮%, ସୁବ୍ରତ ଟପ୍ପର
21 ଢେଙ୍କାନାଳ ଅଫିସ, ୩୦।୫: ଢେଙ୍କାନାଳ ସ୍ବୟଂଶାସିତ ମହାବିଦ୍ୟାଳୟର ଯୁକ୍ତ୩ ପରୀକ୍ଷା ଫଳ ବୁଧବାର ସକାଳ ସାଢ଼େ ୯ଟାରେ ପ୍ରକାଶ ପାଇଛି। ଚଳିତବର୍ଷ ପାସ୍ ହାର ରହିଛି ୭୧.୨୮%। ପଦାର୍ଥ ବିଜ୍ଞାନ ଛାତ୍ର ସୁବ୍ରତ କୁମାର ପଣ୍ଡା କଲେଜ ଟପ୍ପର ହୋଇଛନ୍ତି। ଏଗ୍ରିଗେଟ୍କୁ ମିଶାଇ ସେ ମୋଟ ୨୬୦୦ରୁ ୨୪୧୨ ମାର୍କ ରଖିଛନ୍ତି। ତାଙ୍କୁ ଓ(ଡି) ଗ୍ରେଡ୍ ମିଳିଛି।
କଳା, ବିଜ୍ଞାନ ଏବଂ ବାଣିଜ୍ୟ ବିଭାଗରେ ପରୀକ୍ଷା ଦେଇଥିବା ୫୦୬ ଛାତ୍ରୀଛାତ୍ରଙ୍କ ମଧ୍ୟରୁ ୩୫୫ଜଣ ଉତ୍ତୀର୍ଣ୍ଣ ହୋଇଛନ୍ତି। ତନ୍ମଧ୍ୟରେ ‘ଓ’ଗ୍ରେଡ୍ ଏବଂ ଡିଷ୍ଟିକ୍ଶନରେ ୫, ‘ଏ ପ୍ଲସ୍’ରେ ୩, ‘ଏ ପ୍ଲସ୍ ଡି’ରେ ୪୦, ‘ଏ(ଡି)’ରେ ୯୨, ‘ଏ’ରେ ୧୭, ‘ଡି ପ୍ଲସ୍ ଡି’ରେ ୫୨, ‘ବି ପ୍ଲସ’ରେ ୫୨, ‘ବି’ରେ ୬୮, ‘ସି’ରେ ୨୫ ଏବଂ ‘ଡି’ ଗ୍ରେଡ୍ରେ ଜଣେ ଅଛନ୍ତି। ୧୪୧ଜଣ ଫେଲ୍ ହୋଇଥିବାବେଳେ ୨ଜଣ କପି କରି ଧରାପଡ଼ିଛନ୍ତି।
କଳା ବିଭାଗରେ ୨୦୨ଜଣ ପରୀକ୍ଷା ଦେଇଥିବାବେଳେ ୧୪୯ ଜଣ କୃତକାର୍ଯ୍ୟ ହୋଇଛନ୍ତି। ପାସ୍ ହାର ୭୩.୨୬% ରହିଛି। ସେହିପରି ବିଜ୍ଞାନରେ ୧୬୩ ଜଣଙ୍କ ମଧ୍ୟରୁ ୧୪୭ଜଣ (୯୦.୧୮%) ଏବଂ ବାଣିଜ୍ୟରେ ୧୪୧ରୁ ୫୯ଜଣ (୪୨.୭୫%) ପାସ୍ ହୋଇଛନ୍ତି।
ଅର୍ଥନୀତି ବିଭାଗ ସମ୍ମାନରେ ରୋଜାଲିନ୍ ସେନାପତି, ଇଂଲିଶ ସମ୍ମାନରେ ପଲ୍ଲିଶ୍ରୀ ମିଶ୍ର, ଇତିହାସ ସମ୍ମାନରେ ଶୁଭସ୍ମିତା ସାହୁ, ଓଡ଼ିଆ ସମ୍ମାନରେ ଅଶ୍ୱିନୀ କୁମାର ଦ୍ୱିବେଦୀ, ଦର୍ଶନଶାସ୍ତ୍ର ସମ୍ମାନରେ ରାଜଲକ୍ଷ୍ମୀ ମହାନ୍ତି, ରାଜନୀତି ବିଜ୍ଞାନ ସମ୍ମାନରେ ଅର୍ପିତା ସାହୁ, ମନସ୍ତତ୍ତ୍ୱ ସମ୍ମାନରେ ଶୁଭଲକ୍ଷ୍ମୀ ସାହୁ, ସଂସ୍କୃତ ସମ୍ମାନରେ ପୂର୍ଣ୍ଣାନନ୍ଦ ମଲ୍ଲିକ, ଉଦ୍ଭିଦ ବିଜ୍ଞାନ ସମ୍ମାନରେ ଶାଶ୍ୱତୀ ସାହୁ, ରସାୟନ ବିଜ୍ଞାନ ସମ୍ମାନରେ ଅମ୍ରିତା ଐଶ୍ୱର୍ଯ୍ୟା ନନ୍ଦ, କମ୍ପ୍ୟୁଟର ବିଜ୍ଞାନ ସମ୍ମାନରେ ମୃତ୍ୟୁଞ୍ଜୟ ରାଉତ, ଗଣିତ ସମ୍ମାନରେ ବିଭୂତି ଭୂଷଣ ସାହୁ, ପଦାର୍ଥ ବିଜ୍ଞାନ ସମ୍ମାନରେ ସୁବ୍ରତ ପଣ୍ଡା, ପ୍ରାଣୀ ବିଜ୍ଞାନ ସମ୍ମାନରେ ପ୍ରୀତିଜ୍ୟୋତ୍ସ୍ନା ସାହୁ, ଆକାଉଣ୍ଟିଂ ସମ୍ମାନରେ ଜୟଶ୍ରୀ ପ୍ରଧାନ ବିଭାଗୀୟ ଟପ୍ପର ହୋଇଛନ୍ତି।
କଲେଜର ଭାରପ୍ରାପ୍ତ ଅଧ୍ୟକ୍ଷ ପଦ୍ମକାନ୍ତ ମିଶ୍ର ପରୀକ୍ଷା ଫଳ ଘୋଷଣା କରିଥିଲେ। ପରୀକ୍ଷା ନିୟନ୍ତ୍ରକ ଜୟଦେବ ପାଢୀ, ସହକାରୀ ପରୀକ୍ଷା ନିୟନ୍ତ୍ରକ ରମେଶ ବେହେରା, ଦେବାଶିଷ ମହାନ୍ତି, ଅଧ୍ୟାପକ ସଞ୍ଜିତ ମହାପାତ୍ର, ପ୍ରଶାନ୍ତ ପରିଡ଼ା, ଉଦ୍ଭିଦ ବିଜ୍ଞାନ ବିଭାଗ ମୁଖ୍ୟ ଧରଣୀଧର ରଣା ଓ ମନସ୍ତତ୍ତ୍ୱ ବିଭାଗ ମୁଖ୍ୟ ନମିତା କୁମାର ଦାସ ପ୍ରମୁଖ ଉପସ୍ଥିତ ଥିଲେ।