ଜୁରିକ, ୧୬।୫ (ଏପି): ଆସନ୍ତା ମାସରେ ବିଶ୍ୱ ଫୁଟବଲର ସର୍ବୋଚ୍ଚ ପ୍ରଶାସନିକ ସଂସ୍ଥା ଫିଫା ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାକୁ ଯାଉଛି। ଜୁନ୍ ୨୫ରେ ଫିଫା ୨୦୨୩ ମହିଳା ବିଶ୍ୱକପ୍ର ଆୟୋଜକ ଚୟନ କରିବ। ଏହି ବିଶ୍ୱକପ୍ ଆୟୋଜନ ଅଧିକାର ଦୌଡ଼ରେ ଏକାଧିକ ଦେଶ ସାମିଲ ରହିଛନ୍ତି। ବ୍ରାଜିଲ, ଜାପାନ, କଲମ୍ବିଆ ଓ ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ମିଳିତ ଭାବେ ଏ ନେଇ ବିଡ୍ ଦାଖଲ କରିଛନ୍ତି। ଫିଫା କାଉନସିଲର ୩୭ ଜଣ ସଦସ୍ୟ ଏକ ମତଦାନ ମାଧ୍ୟମରେ ଆୟୋଜକ ବାଛିବେ। ମତଦାନର ଫଳାଫଳ ଓ ପ୍ରତ୍ୟେକ ଭୋଟରଙ୍କ ପସନ୍ଦକୁ ସାର୍ବଜନୀନ କରାଯିବ।
କରୋନା ଭାଇରସ ସଂକ୍ରମଣ କାରଣରୁ ଅନ୍ତର୍ଜାତୀୟ ଯାତ୍ରା କଟକଣା ଲାଗୁ ହେବାପୂର୍ବରୁ ଗତ ଜାନୁୟାରୀ ଓ ଫେବୃୟାରୀରେ ଫିଫା ପର୍ଯ୍ୟବେକ୍ଷକ ଦଳ ବିଡ୍ ଦାଖଲ କରିଥିବା ୪ଟି ପ୍ରାର୍ଥୀ ବା ଦେଶଗୁଡିକ ଭ୍ରମଣ କରିଥିଲେ। ସଂକ୍ରାନ୍ତରେ ଫିଫାର ମୂଲ୍ୟାଙ୍କନ ରିପୋର୍ଟ ଅନ୍ତିମ ପର୍ଯ୍ୟାୟରେ ପହଞ୍ଚିଛି। ଉଲ୍ଲେଖଥାଉ କି, ୨୦୨୩ ବିଶ୍ୱକପ୍ରେ ପ୍ରଥମଥର ପାଇଁ ୩୨ଟି ଦଳ ଅଂଶଗ୍ରହଣ କରିବେ। ୨୦୧୯ ସଂସ୍କରଣରେ ୨୪ଟି ଦଳ ଅଂଶଗ୍ରହଣ କରିଥିଲେ। ଫ୍ରାନ୍ସରେ ଅନୁଷ୍ଠିତ ଏହି ବିଶ୍ୱକପ୍ରେ ଆମେରିକା ଚାମ୍ପିୟନ ହେବାର ଗୌରବ ଅର୍ଜନ କରିଥିଲା।
