କେନ୍ଦୁଝର, ୧୧ା୯(ସ୍ବ.ପ୍ର.)-ଐତିହ୍ୟ ସମ୍ପନ୍ନ କେନ୍ଦୁଝର ଜିଲାପାଳଙ୍କ କାର୍ଯ୍ୟାଳୟ ପରିସରରେ ଡ୍ରେନେଜ ବ୍ୟବସ୍ଥା ନ ଥିବାରୁ ଜଳ ନିଷ୍କାସନ ହୋଇ ନ ପାରି ଅନେକ ସ୍ଥାନରେ ପାଣି ଜମୁଥିବାରୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହେଉଛି ା ଫଳରେ ବିଶେଷ କରି ଚାଲି ଚାଲି ଲୋକ ମାନେ ଯିବା ଆସିବା କରୁଥିବା ଲୋକ ମାନେ ବହୁ ଅସୁବିଧା ଭୋଗୁଛନ୍ତି। ସାଧାରଣ ଲୋକ ବିଶେଷ କରି ମହିଳା ମାନେ ଯିବା ଆସିବାରେ ବହୁ ଅସୁବିଧା ଭୋଗୁଥିଲେ ହେଁ ପ୍ରତିକାର କରାଯାଉନାହିଁ। ଏପରିକି ଗୋରୁଗାଈ ମାନଙ୍କ ପ୍ରବେଶ କରି ନ ପାରିବା ପାଇଁ ବିଛା ଯାଇଥିବା ପାଇପ ସବୁ ମାଟିରେ ପୋତି ହୋଇଯାଇଛି ା ଫଳରେ ଗୋରୁଗାଈ ଅବାଧରେ ପଶି ବୁଲୁଛନ୍ତି। ମୁଖ୍ୟ ଡ୍ରେନ ପୋତି ହୋଇଯାଇଥିବାରୁ ପାଣି ନିଷ୍କାସିତ ହୋଇ ନ ପାରି ମୁଖ୍ୟ ଗେଟରେ ଜମା ହୋଇ ରହୁଛି। ସେହିପରି ଆପାତକାଳୀନ ବିଭାଗ, ବ୍ଲକ, ନିର୍ବାଚନ ତଥା ଶିଶୁ ସୁରକ୍ଷା ଅଧିକାରୀ କାର୍ଯ୍ୟାଳୟ, ସୂଚନା ଲୋକ ସମ୍ପର୍କ ଅଧିକାରୀଙ୍କ କାର୍ଯ୍ୟାଳୟକୁ ଯାଇଥିବା ରାସ୍ତାରେ ପାଣି ଜମା ହୋଇ ରହୁଥିବାରୁ ଯିବା ଆସିବାରେ ବହୁ ସମସ୍ୟା ସୃଷ୍ଟି ହେଉଛି। ପ୍ରତିବର୍ଷ ପରିସରରେ ଥିବା ରାସ୍ତା ଉନ୍ନତିକରଣ ବା ମରାମତିରେ ଲକ୍ଷାଧିକ ଟଙ୍କା ଖର୍ଚ୍ଚ ହେଉଛି। କିନ୍ତୁ ନିମ୍ନମାନର କାମ ଓ ଉପଯୁକ୍ତ ତଦାରଖ ଅଭାବରୁ ଅବସ୍ଥା ସୁଧୁରୁନାହିଁ। ଫଳରେ ଦୁର୍ଘଟଣା ଘଟିଲେ ଗାଡି ରଖୁଥିବା ଲୋକମାନେ ମୃତାହତ ହେବା ଆଶଙ୍କା ରହୁଛି। ଲୋକ ତଥା କର୍ମଚାରୀ ମାନଙ୍କ ସୁବିଧା ପାଇଁ ପାଖାପାଖି ୧୦ ଲକ୍ଷ ଟଙ୍କାରେ ଏକ ଶୌଚାଳୟ ନିର୍ମାଣ କରାଯାଇଛି। କିନ୍ତୁ ସେଥିରେ ସବୁବେଳେ ତାଲା ଝୁଲୁଥିବାରୁ ବ୍ୟବହାର ହୋଇପାରୁନାହିଁ। ଫଳରେ କାର୍ଯ୍ୟାଳୟକୁ ଅଭିଯୋଗ ପ୍ରକୋଷ୍ଠ ବା ବିଭିନ୍ନ କାମ ପାଇଁ ଆସୁଥିବା ଲୋକମାନେ ବିଶେଷ କରି ମହିଳା ମାନେ ଶୌଚ ପାଇଁ ବହୁ ହୀନସ୍ତା ହେଉଛନ୍ତି। ଏହା ଛଡା ଐତିହ୍ୟ ସମ୍ପନ୍ନ ଏହି କୋଠା ରକ୍ଷଣାବେକ୍ଷଣ ଅଭାବରୁ ଜରାଜୀର୍ଣ୍ଣ ହୋଇ ପଡିଛି। ବହୁ ପୁରୁଣା ଏହି କୋଠାର ମରାମତି ପୂର୍ତ୍ତ ବିଭାଗର ଅନଭିଜ୍ଞ ଠିକାଦାରଙ୍କ ଦ୍ୱାରା କରାଯାଉଥିବାରୁ ଏହାର ଐତିହ୍ୟ ନଷ୍ଟ ହେବା ସହ କ୍ଷତିଗ୍ରସ୍ତ ହେବାକୁ ଲାଗିଛି ା ଏଠାରେ ସୂଚନାଯୋଗ୍ୟ ଯେ ରାଜ୍ୟର ୩୦ ଜିଲା ମଧ୍ୟରେ କେନ୍ଦୁଝର ଜିଲା ମୁଖ୍ୟାଳୟ କାଯର୍ୟଚାଲିଥିବା ରାଜାରାଜୁଡା ଅମଳର ଏହି କୋଠା ଘର ନିଆରା ା ଏଣୁ ଜିଲାର ଏହି କୋଠାର ସୁରକ୍ଷା କରିବା ସହ ଏହାର ପରିସରକୁ ସ୍ବଛ ଓ ସମୃଦ୍ଧ କରିବାକୁ ବିଭିନ୍ନ ସଂସ୍ଥା ଓ ସଂଗଠନ ପକ୍ଷରୁ ଦାବୀ ହେଉଛି ା
