ସୁନ୍ଦରଗଡ଼,୧୭ା୪(ଡି.ଏନ୍.ଏ.)-ଲକ୍ଡାଉନ ଯୋଗୁ ଛାତ୍ରୀଛାତ୍ରଙ୍କ ଶିକ୍ଷାଦାନ ବ୍ୟବସ୍ଥା ପ୍ରଭାବିତ ହୋଇଛି। ଏଭଳି ସ୍ଥିତିରେ ପିଲାଙ୍କ ଭବିଷ୍ୟତ ନେଇ ଉଭୟ ଅଭିଭାବକ ଓ ଶିକ୍ଷୟିତ୍ରୀ ଶିକ୍ଷକମାନେ ଚିନ୍ତିତ ଥିବା ବେଳେ ଘରୋଇ ବିଦ୍ୟାଳୟଗୁଡିକ ଛାତ୍ରୀଛାତ୍ରଙ୍କୁ ଅନ୍ଲାଇନ ମାଧ୍ୟମରେ ଶିକ୍ଷାଦାନ ଆରମ୍ଭ କରିଛନ୍ତି। ଏଭଳି ସ୍ଥିତିରେ ସୁନ୍ଦରଗଡ଼ ଜିଲା ଶିକ୍ଷା ବିଭାଗ ପକ୍ଷରୁ ସରକାରୀ ବିଦ୍ୟାଳୟ ଛାତ୍ରୀଛାତ୍ରଙ୍କୁ ପାଠ୍ୟ ପୁସ୍ତକ ଯୋଗାଣ ଆରମ୍ଭ ହୋଇଛି ା ଶିକ୍ଷୟିତ୍ରୀ,ଶିକ୍ଷକମାନେ ପିଲାମାନଙ୍କ ଘରେ ପହଞ୍ଚତ୍ ଏହି ବହି ପ୍ରଦାନ କରୁଥିବା ଦେଖିବାକୁ ମିଳିଛି ା
ଶିକ୍ଷୟିତ୍ରୀ ଶିକ୍ଷକମାନେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରୀଛାତ୍ରଙ୍କୁ ସେମାନଙ୍କ ଘରକୁ ଯାଇ ବହି ଦେବା ପାଇଁ ନିର୍ଦ୍ଦେଶ ରହିଛି । ଜିଲାପାଳଙ୍କ ନିର୍ଦ୍ଦେଶ ମୁତାବକ ଜିଲା ଶିକ୍ଷା ଅଧିକାରୀ ଗତ ୧୪ ତାରିଖରେ ଚିଠି ନଂ. ୫୫୯ରେ ଜିଲାର ସମସ୍ତ ବ୍ଲକ ଶିକ୍ଷାଧିକାରୀ ମାନଙ୍କୁ ଏହି ନିର୍ଦ୍ଦେଶ ଦେଇଛନ୍ତି। ଏପ୍ରିଲ ୨୫ସୁଦ୍ଧା ବ୍ଲକ ଶିକ୍ଷାଅଧିକାରୀମାନେ ଜିଲା ମୁଖ୍ୟ କାର୍ଯ୍ୟାଳୟରୁ ବହି ସଂଗ୍ରହ କରି ପ୍ରତି କ୍ଲ୍ଷ୍ଟରକୁ ପହଞ୍ଚାଇବେ । ଏହାପରେ କ୍ଲଷ୍ଟରର ସିଆରସିସିମାନେ ପ୍ରତ୍ୟେକ ସ୍କୁଲରେ ଯାଇ ଆବଶ୍ୟକତା ଅନୁଯାୟୀ ଏହି ପାଠ୍ୟ ପୁସ୍ତକ ବିତରଣ କରିବେ । ଏହାପରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ,ଶିକ୍ଷକମାନେ ସହକାରୀ ଶିକ୍ଷୟିତ୍ରୀ,ଶିକ୍ଷକମାନଙ୍କ ସହାୟତାରେ ବିଦ୍ୟାଳୟର ସମସ୍ତ ଛାତ୍ରୀଛାତ୍ରମାନଙ୍କ ଘରକୁ ଯାଇ ଏହି ପାଠ୍ୟ ପୁସ୍ତକ ପ୍ରଦାନ କରିବେ। ପାଠ୍ୟ ପୁସ୍ତକ ବଣ୍ଟନ ପ୍ରକ୍ରିୟା ବେଳେ ସାମାଜିକ ଦୂରତ୍ୱକୁ କଡାକଡି ଭାବେ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି । ଜିଲାର ୨.୭ଲକ୍ଷ ଛାତ୍ରୀଛାତ୍ରଙ୍କୁ ଏହି ପୁସ୍ତକ ଯୋଗାଇ ଦେବା ପାଇଁ ବ୍ୟବସ୍ଥା ହୋଇଛି ା ଏହାକୁ ନେଇ ଶିକ୍ଷୟିତ୍ରୀ,ଶିକ୍ଷକ ଚିନ୍ତାରେ ପଡିଛନ୍ତି। ଏ ସମ୍ପର୍କରେ ଜିଲା ଶିକ୍ଷାଧିକାରୀ ରଞ୍ଜନ କୁମାର ଗିରି କହିଛନ୍ତି, ଛାତ୍ରୀଛାତ୍ରଙ୍କ ଘରେ ପାଠ୍ୟପୁସ୍ତକ ଯୋଗାଇବା ପ୍ରକ୍ରିୟା ଚାଲିଛି । ଏହି ପ୍ରକ୍ରିୟା କେନ୍ଦ୍ରିକଳା ବିଦ୍ୟାଳୟରୁ ଆରମ୍ଭ ହୋଇଛି ା ଜିଲାର ପ୍ରତ୍ୟେକ ସରକାରୀ ବିଦ୍ୟାଳୟର ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସମସ୍ତ ବର୍ଗର ୨ଲକ୍ଷ ୭ହଜାର ୬୯ ଜଣ ଛାତ୍ରୀଛାତ୍ରଙ୍କୁ ପାଠ୍ୟପୁସ୍ତକ ଯୋଗାଇ ଦିଆଯିବ । ଗତ ମାର୍ଚ୍ଚ ପ୍ରଥମସପ୍ତାହରେ ଜିଲାରେ ୯୫ ପ୍ରତିଶତ ପାଠ୍ୟପୁସ୍ତକ ପହଞ୍ଚତ୍ ସାରିଥିଲା । ମାତ୍ର କରୋନା ଯୋଗୁ ମାର୍ଚ୍ଚ୧୬ରୁ ସ୍କୁଲଗୁଡିକ ବନ୍ଦ ରହିଥିବାରୁ ଛାତ୍ରୀଛାତ୍ରମାନଙ୍କୁ ଏହି ପାଠ୍ୟପୁସ୍ତକ ବଣ୍ଟନ କରାଯାଇପାରି ନ ଥିଲା ।