କୃଷ୍ଣପ୍ରସାଦ,୫ା୩(ଡି.ଏନ.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକର ଜହ୍ନିକୁଦାଠାରୁ ସାତପଡ଼ା ଯାଉଥିବା ଯାତ୍ରୀବାହୀ ଡଙ୍ଗା ଯାନ୍ତ୍ରିକ ତ୍ରୁଟି ଯୋଗୁ ବୁଧବାର ଚିଲିକା ମଝିରେ ଅଟକି ଯାଇଥିଲା। ସେଥିରେ ଯାଉଥିବା ୩୦ ଜଣ ଯୁକ୍ତ ୨ ପରୀକ୍ଷାର୍ଥୀଙ୍କ ସମେତ ପ୍ରାୟ ୭୦ ଯାତ୍ରୀ ୧ ଘଣ୍ଟା ଧରି ଜଳବନ୍ଦୀ ହୋଇ ରହିଥିଲେ। ଉକ୍ତ ଡଙ୍ଗାରେ ୨୦ରୁ ଊଦ୍ଧର୍ବ ମୋଟରସାଇକେଲ ମଧ୍ୟ ରହିଥିଲା। ଡଙ୍ଗା ଚାଳକ ସାତପଡ଼ାକୁ ଟେଲିଫୋନ କରି ଅନ୍ୟ ଡଙ୍ଗାଚାଳକଙ୍କୁ ଖବର ଦେବା ପରେ ଆଉ ଏକ ଡଙ୍ଗା ଆସି ସମସ୍ତ ଯାତ୍ରୀଙ୍କୁ ଉଦ୍ଧାର କରିଥିଲା। ସୁରକ୍ଷିତ ଭାବେ ସାତପଡ଼ା କୂଳରେ ପହଞ୍ଚତ୍ଥିଲେ ସମସ୍ତ ଯାତ୍ରୀ। ପରୀକ୍ଷାରୁ ବଞ୍ଚତ୍ତ ହେବାରୁ ଅଳ୍ପକେ ରକ୍ଷା ପାଇଗଲେ ୩୦ ପରୀକ୍ଷାର୍ଥୀ।
ପ୍ରକାଶ ଯେ, ଉକ୍ତ ଡଙ୍ଗାଟି ବୁଧବାର ପୂର୍ବାହ୍ନ ୮ଟାରେ ଜହ୍ନିକୁଦାରୁ ଯାତ୍ରୀମାନଙ୍କୁ ନେଇ ସାତପଡ଼ା ଅଭିମୁଖେ ବାହାରିଥିଲା। ଉଭୟ ସ୍ଥାନର ବ୍ୟବଧାନ ଜଳରାସ୍ତାରେ ୫କିମି ହୋଇଥିବାବେଳେ ଡଙ୍ଗାଟି ପ୍ରାୟ ୨କିମି ଯିବା ପରେ ଯାନ୍ତ୍ରିକ ତ୍ରୁଟି ଯୋଗୁ ଅଟକି ଯାଇଥିଲା। ଭୟଭୀତ ଅବସ୍ଥାରେ ଯାତ୍ରୀମାନେ ପ୍ରାୟ ୧ଘଣ୍ଟା କାଳ ଅଟକି ରହିବା ପରେ ଅନ୍ୟ ଡଙ୍ଗା ମାଧ୍ୟମରେ ନିର୍ଦ୍ଧାରିତ ସ୍ଥାନରେ ପହଞ୍ଚିଥିଲେ।
