ଭୋପାଳ, ୨୩।୬: ଇଛାଶକ୍ତି ଆଗରେ ସମସ୍ତ ବାଧା ହାର ମାନିଥାଏ। ଶେଷରେ ସଫଳତା ମିଳିଥାଏ। ଏହା ସଦ୍ୟତମ ଉଦାହରଣ ପାଲଟିଛନ୍ତି ମଧ୍ୟପ୍ରଦେଶର ଜଣେ ଚା’ ବିକାଳିଙ୍କ ଝିଅ। ସେ ଭାରତୀୟ ବାୟୁସେନାରେ ଫାଇଟର ପାଇଲଟ ହୋଇଛନ୍ତି। ସ୍ଥାନୀୟ ନିମଚ ଅଞ୍ଚଳରେ ସୁରେଶ ଗଙ୍ଗଓ୍ବାଲ ଏକ ଛୋଟ ଚା’ ଦୋକାନ କରିଛନ୍ତି। ଏଥିରୁ ମିଳୁଥିବା ଆୟରେ ତାଙ୍କର ଘର ଚଳିଥାଏ। ସୁରେଶଙ୍କ ୨୩ ବର୍ଷ ବୟସ୍କା ଝିଅ ଆଞ୍ଚଲ ଗଙ୍ଗଓ୍ବାଲ ଜୁନ ୨୦ରେ ବାୟୁସେନାରେ ଫାଇଟର ପାଇଲଟ ଭାବେ ଯୋଗ ଦେଇଛନ୍ତି। ସୁରେଶ କୁହନ୍ତି ସାରା ଜୀବନ ସଂଘର୍ଷରେ କଟିଗଲା। ଏବେ ଆଞ୍ଚଲର ଜୀବନରେ ଖୁସି ଆସିଛି। ନିଜର ସଫଳତା ନେଇ ଆଞ୍ଚଲ କୁହନ୍ତି ଯେ, ପିତାଙ୍କ ଉପଦେଶ ତାଙ୍କୁ ଏପର୍ଯ୍ୟନ୍ତ ନେଇଆସିଛି। ସୁରେଶ ସବୁବେଳେ ଆଞ୍ଚଲଙ୍କୁ ବିପଦରେ ଧର୍ଯ୍ୟହରା ନ ହେବାକୁ ପରାମର୍ଶ ଦେଇଥାନ୍ତି। ଲଢ଼େଇ ଜାରି ରଖିଲେ ଜୀବନ ସଂଘର୍ଷରେ ସଫଳତା ମିଳିଥାଏ ବୋଲି ସୁରେଶ ତାଙ୍କୁୁ ସବୁବେଳେ କହିଥାନ୍ତି।
