ବୌଦ୍ଧ,୨୨।୭(ସ୍ବ.ପ୍ର) ବୌଦ୍ଧ ଜିଲାରେ ବର୍ତ୍ତମାନ ବର୍ଷା ନ ଥିବାରୁ ଚାଷ ଜମି ଗୁଡିକ ଫାଟି ଆଁ କଲାଣି । ଏହାସହ ତଳି ଗୁଡିକ ମରିବାକୁ ବସିଲାଣି। ଦୁଇ ତିନି ଦିନ ମଧ୍ୟରେ ଭଲ ବର୍ଷା ନ ହେଲେ ଗଜା ମରୁଡି ହେବା ଆଶଙ୍କା ସୃଷ୍ଟି ହୋଇଛି।
ଜିଲାରେ ଶତକଡା ୮୦ ଭାଗ ଲୋକ ଚାଷ ଚାଷ ଉପରେ ନିର୍ଭର କରିଥାନ୍ତି। ଚଳିତ ବର୍ଷ ନିଅଣ୍ଟିଆ ବର୍ଷା ଯୋଗୁ ଚାଷ ଜମି ଶୁଖିଯିବା ସହ ତଳି ହଳଦିଆ ପଡିଗଲାଣି। ଅନ୍ୟପକ୍ଷେ ଶ୍ରାବଣ ମାସରେ ବୈଶାଖର ତାତି ଲୋକଙ୍କ କଷ୍ଟକୁ ଦ୍ୱିଗୁଣିତ କରିଦେଇଛି । ଜିଲାରେ ଗତ ୨୦୧୭ ମସିହାରେ ଚକଡାପୋକ ଓ ମରୁଡି ଯୋଗୁ ଚାଷୀ ନିଜର ମେରୁଦଣ୍ଡ ସଳଖି ନ ଥିବା ବେଳେ ବର୍ତ୍ତମାନ ବର୍ଷା ନ ଥିବାରୁ ଜମି ଫାଟି ଆଁ ହେବା ସହ ତଳି ପୋଡି ନଷ୍ଟ ହେବାକୁ ବସଲାଣି। ଚାଷୀମାନେ ବିଭିନ୍ନ ବ୍ୟାଙ୍କ ଓ ଘରୋଇ ସଂସ୍ଥାରୁ ଋଣ କରି ଚାଷ ଆରମ୍ଭ କରିଥିବା ବେଳେ ବର୍ଷା ନ ଥିବାରୁ ଚିନ୍ତାରେ ପଡିଛନ୍ତି। ଓଡିଆରେ ଏକ ଢଗ ଅଛି ଚାଷ ତରତର ବଣିଜ ମଠ ା ତେଣୁ ଚାଷକୁ ଉପଯୁକ୍ତ ସମୟରେ କରାନଗଲେ ଚାଷ କରି କିଛି ଲାଭ ନାହିଁ। କାରଣ ଚାଷ ଯେଉଁ ସମୟରେ କରିବା କଥା ନ କଲେ ଭଲ ଅମଳ ହୋଇ ନ ଥାଏ। ଜିଲାରେ ୮୫୧୮୦ ହେକ୍ଟର ଚାଷ ଜମି ଥିବାବେଳେ ପର୍ଯ୍ୟାପ୍ତ ପରିମାଣର ଜଳସେଚନର ସୁବିଧା ରହିଛି । କାରଣ ଜିଲାରେ ଥିବା ଜଳସେଚନ ଡ୍ୟାମ ଗୁଡିକ ବର୍ଷା ହେଲେ ଯାଇ ପାଣି ଯୋଗାଇଥାଏ। ଜଳସେଚନ ବିଭାଗର ସାଲୁଙ୍କୀ ଓ ବାଘ ଡ୍ୟାମ ବର୍ଷା ହେଲେ ଯାଇ ପାଣି ଯୋଗାଇଥାଏ। କୃଷି ବିଭାଗ ତଥ୍ୟ ଅନୁଯାୟୀ ଜିଲାରେ ବର୍ଷାର ପରିମାଣ ୬୯ ପ୍ରତିଶତ କମ୍ ରହିଛି।
