ରାୟଗଡ଼ା ଅଫିସ,୩।୧ – ସଚେତନତା ସତ୍ତ୍ୱେ ଲୋକଙ୍କ ମନରେ ବସା ବାନ୍ଧିଥିବା ଅନ୍ଧବିଶ୍ୱାସ ଦୂର ହେଉନାହିଁ। ଗୁଣିଗାରେଡ଼ିକୁ କେନ୍ଦ୍ରକରି ବାରମ୍ବାର ଲୋକେ ଅଭାବନୀୟ କାଣ୍ଡ ଘଟାଉଛନ୍ତି ା ଆଇନକୁ ହାତକୁ ନେଉଛନ୍ତି ା ରାୟଗଡ଼ା ଜିଲା ଚାନ୍ଦିଲି ଥାନା ଅନ୍ତର୍ଗତ କନ୍ଧମାଳି ଗାଁରେ ଏଭଳି ଏକ ଘଟଣା ଘଟିଛି ା ଗୁଣି ଗାରେଡ଼ି ସନ୍ଦେହରେ ଗ୍ରାମବାସୀ ବୁଧବାର ଗୋଟିଏ ପରିବାରର ସଦସ୍ୟଙ୍କୁ ଆକ୍ରମଣ କରିଛନ୍ତି ା ଏମିତି କି ସେମାନଙ୍କ ଘର ଚାରିପଟେ କଣ୍ଟା ରଖି ଦେଇଛନ୍ତି ା ଭୟରେ ପରିବାର ଗାଁ ଛାଡ଼ି ରାୟଗଡ଼ା ସହରକୁ ଚାଲି ଆସିଛନ୍ତି ା
କନ୍ଧମାଳି ଗଁାରେ ମହେଶ୍ୱର ହୁଇକା, ତାଙ୍କ ପତ୍ନୀ ରତ୍ନାଲୁ ହୁଇକା ଓ ପୁଅ ସୁରେଶ ହୁଇକା ରୁହନ୍ତି ା ଉକ୍ତ ପରିବାର ଗାଁରେ ଗୁଣି ଗାରେଡ଼ି କରୁଥିବା ନେଇ ଗ୍ରାମବାସୀ ସନ୍ଦେହ କରୁତ୍ଥିଲେ ା ଗ୍ରାମରେ କେହି ଅସୁସ୍ଥ ହେଲେ କି କିଛି ଅଘଟଣ ଘଟିଲେ ଗୁଣଗାରେଡ଼ି ଯୋଗୁ ହେଉଥିବା ସନ୍ଦେହ କରୁଥିଲେ ା ଏହାକୁ ନେଇ ଗ୍ରାମବାସୀ ଉକ୍ତ ପରିବାରକୁ ୨୦୧୮ରୁ ଗାଁରୁ ବାସନ୍ଦ କରି ଦେଇଥିଲେ ା ଯଦି ସେମାନଙ୍କ ସହ କେହି କଥା ହେଲେ ୧୦ ହଜାର ଟଙ୍କା ଜରିମାନା ଆଦାୟ କରୁଥିଲେ ା ବହୁ କଷ୍ଟରେ ଦିନ କାଟୁଥିଲେ ପରିବାର ଲୋକେ ା ପୂର୍ବରୁ ଗ୍ରାମରେ ଗୁଣି ଗାରେଡ଼ି ସନ୍ଦେହରେ ଜଣଙ୍କୁ ହତ୍ୟା କରାଯାଇଥିବାରୁ ଭୟଭୀତ ହେବା ସହ ଅତ୍ୟାଚାରରେ ଅତିଷ୍ଠ ହୋଇ ସମ୍ବଲପୁରରେ ରହୁଥିବା ସାନ ପୁଅ ପାଖକୁ ଚାଲି ଯାଇଥିଲେ ସେମାନେ ା ସେଠାରେ ୯ ମାସ ରହିବା ପରେ ସବୁ ଠିକ୍ଠାକ୍ ହୋଇଯାଇଥିବ ଭାବି ଏକ ମାସ ହେବ ସେମାନେ ଗାଁକୁ ଫେରିଥିଲେ ା କିନ୍ତୁ ଗ୍ରାମବାସୀ ବୁଧବାର ଗୁଣି ଗାରେଡ଼ି ସନ୍ଦେହ କରି ସେମାନଙ୍କୁ ଆକ୍ରମଣ କରିବା ସହ ଗାଁ ଛାଡ଼ି ଚାଲିଯିବାକୁ ଧମକ ଦେଇଥିଲେ ା ଭୟରେ ଗାଁ ଛାଡ଼ି ରାୟଗଡ଼ାରେ ରହୁଥିବା ବଡ଼ପୁଅ ପାଖକୁ ଚାଲି ଯାଇଛନ୍ତି ା ମହେଶ୍ୱରଙ୍କ ପୁଅ ରମେଶ କହିଛନ୍ତି ଯେ, ଏଇ ଘଟଣାକୁ ନେଇ ବାପାଙ୍କର ଛାତିରେ ଯନ୍ତ୍ରଣା ଅତ୍ୟଧିକ ହେଉଛି ା ଗ୍ରାମରେ କିଛି ଲୋକଙ୍କ ରାଜ ଚାଲେ ା ବୁଧବାର ଆମ ଘର ଚାରିପଟେ କଣ୍ଟା ବୁଦା ରଖି ଗ୍ରାମକୁ ନ ଆସିବାକୁ ଚେତାବନୀ ଦେଇଛନ୍ତି ବୋଲି କହିଛନ୍ତି ା ଏନେଇ ଥାନାରେ କୌଣସି ଅଭିଯୋଗ ହୋଇନାହିଁ ା ଖବରପାଇ ଚାନ୍ଦିଲି ଏସଆଇ ରାଜେଶ୍ୱର ଶବର ଘଟଣାସ୍ଥଳରେ ପହଞ୍ଚତ୍ ପରିବାର ଲୋକଙ୍କୁ ପଚରାଉଚୁରା କରିଛନ୍ତି ା ଅଧିକ ଅସୁବିଧା ହେଲେ ଚାନ୍ଦିଲି ଥାନା ରେ ଲିଖିତ ଅଭିଯୋଗ କରିବାକୁ ପରାମର୍ଶ ଦେଇଛନ୍ତି ା
